بيتي الثاني .. برتاح هناك
Friday, April 18, 2008
بقالى اسبوعين بتحايل على مامتى تجيبلى شريطه احمره زى اللى كنا بنعمل بيها الفيونكات ايام كى جى
بس كل يوم بتقابل بنفس الرد
يويا يا حبيبتى انتى كبرتى
مش عارفه ليه كانت متوقعه ان الشريطه الحمره اللى بنربط بيها الفيونكات دى بتاعت البيبيهات بس
المهم
اول امبارح وانا راجعه من الكليه بعد اما عرفت طبعا منين ممكن اجيب الشريطه الاحمره اللى كنا بنعمل بيها الفيونكات
رحت واشتريت واحده
وانا راجعه كنت مبسوطه اوى
اخيرا جبت الشريطه الاحمره اللى كنا بنعمل بيها الفيونكات
اول اما دخلت الشقه كنت طايره من الفرحه
طلعتها وجريت على ماما
قولتلها شفتى يا مامتى انا اخيرا جبت الشريطه الاحمره اللى كنا بنعمل بيها الفيونكات
طبعا مش هقول التفاصيل بتاعت رد ماما ههههههه
بس اخويا بصلى من فوق لتحت وقالى طفله
كل حد يقول اللى هو عايزه بقى
دخلت نمت
وقلت لماما ماحدش يصحينى ولا يزعحنى علشان الحق اصحى اسرج شعرى واحط فيه الشريطه الاحمره اللى كنا بنعمل بيها الفيونكات
طبعا لما صحيت فضلت واقفه ساعه علشان اعرف اعمل الفيونكات وماعرفتش لانى ماكنتش بعملها لنفسى زمان
قعدت اتحايل على مامتى لحد اما وافقت تعملهالى
بس ماعملتليش فيونكات
قلتلها اعمليلى ضفيره وحطى جواها الشريطه الاحمره اللى كنا بنعمل بيها فيونكات
بعد اما عملتهالى كان شكلى بيها أموره اوى
فضلت واقفه قدام المرايه وانا رايحه وجايه علشان اشوف شكلى بالفيونكات
ماكانوش فيونكات
بس كانت ضفيره ملفوفه بالشريطه الاحمره اللى كنا بنعمل بيها الفيونكات
رحت الكليه بحكى لصحباتى لقيتهم كلهم عايزنى اجيبلهم شريطه احمره من اللى كنا بنعمل بيها فيونكات
يلا بقى ادينى جبتلهم وخلاص على الله يتمر بس
المهم دلوقتى انى اول اما صحيت سرحت شعرى وربطته بالشريطه الاحمره اللى كنا بنعمل بيها الفيونكات
Subscribe to:
Post Comments (Atom)
Falling hearts Here
19 قالو اللى في نفسهم:
هههههه
حلوة حكايه الشريطه الاحمره اللي بنعمل بيها فيونكات دي
هههههههههههه
ههههه نورت البلوج يا دكتور ديد
اه اصل انا بحب الشريطه الاحمره اللى كنا بنعمل بيها فيونكات
بس هى اسمها احمره مش حمره هناك فرق ;)
مبروك علي الشريطة الاحمرة
و طريقتك تحفة
اي نعم عيلي حبتين تالتة
بس اهم حاجة في الموضوع انك جبتلنا الشرايط
طالما جبت الشريطين تبقى توتا
وبعدين انا مش عيله يا توتا
ده كان احساسى بالشريطه الاحمره
هى الامتحانات قربت !!
وبقى فى رغبة ملحة للعودة لايام الكى جى .. هروبا من الامتحانات ومن فكرة انك بقيتى مطالبة بحاجات كتير اوى
هيييييييييييه
فين ايام الكى جى لما كان الواحد كل همه فى الدنيا ياكل ويلعب وينام ..
بس لذيذة حكاية الشريطة الاحمرة دى :d
سيبك بقى من الرغى اللى فوق ده وتعالى اقولك تعمليها ازاى :d
بصى يا ستى انتى افردى شعرك عادى خالص وبعدين ارفعيه بايدك ومشى الشريطة من تحتيه .. وبعدين سبيه ينزل تانى ..
يعنى تبقى الشريطة على رقبتك وشعرك فوقيها ..
وبعدين امسكى طرفينها وارفعيهم حوالين شعرك واربطى :d
واعملى بقى الفيونكة اللى انتى عايزاها
اى خدمة ;)
اه .. وابقى هاتيلى واحدة بعد اذنك :$
ههههههههههههه
فكرتيني بالشريطة الابيضة بيتاعتي بقى مكانتش احمرة اصلي مبحبش الاحمر :d
بجد الحنين لايام الطفولة بقى رغبة بتلح علينا اوي
على فكرة انا لسة لحد النهاردة بضفر شعري :d
ومش بحب الفه زي بنات سني تقدري تقولي
تعبير عن اني لسة صغيرة برضه او رغبة اني ارجع صغيرة وانسى اني واحدة في خامسة طب :d
بس بجد اسلوبك حلو اوي
بالتوفيق ياسكرة :)
وبتوقولي ان احنا عاملنلك فضايح؟
هههههههههه
الله يسامحك على فضايح الشريطة الحرة اللي انتي عملتيها
ما علينا
معلش اكتر من كده ويزيح ربنا
(وش بيطلع لسانه)حبيبتك لونا
koka :انا بردو قلت ان الاحساس ده اكيد رغبه فى العوده للطفوله
كلام بينى وبينك كده انا النهارده وانا وماما راجعين من بره اشتريت بلالين واحده احمره وواحده موف ومش هديهم لحد هههههههه وميرسى على الطريقه بتاعت الفيونكه هقوم اجربها وياريت اعرف اعملها
ولو عايزه اجيبلك شريطه ماعنديش مانع بس مش هجيبهالك احمره زى بتاعتى :p
skymad: ميرسى ليكى يا جميل
ويلا اهو برجعلكم ذكريات الماشى :)
_____________
لونا : بقى انا عيله
طب يلا من هنا بقى هنرش ميه
وبكره تجيبى الشريطه اللى انا جبتهالك
انتى كل احلامك الشريطة الاحمرة ؟ :D
انتى على كده لقطة على فكرة بجوز جنيهات تتروقى :P هههههههههههههههههه
لو مركز يا لونلى هتلاقى ان احلامى قبل كده كانت خاتم سوليتير
بس دى بقى حاجه نفسى فيها بقى
فى حاجات لمسات بسيطه كده بتفرح
تيرارارارارارارارارارارررررررا ^_^
خليتيني اروح اسال مامتي
لية مش كانت بتعملي فيونكات بالشريطة الاحمرة
رد عليا وقالتلي
"هو انتي كنتي بتسيبي شعرك في حالة كل يوم تقصيه وتبهدليه"
ههههههه
معاها حق
انا وشعري طول عمرنا مش اصحاب خالص
بس بردوا كانت لازم تتصرف
مش هي مامتي
المهم بقى لقيت عندي شريطة ملونة (المفروض انها حزام بلوزة اختي)
وعملت قطتين في شعري
واحدة بالشريطة الملونة اللي هي حزام بلوزة اختي
وواحدة بالتوكة البنفسجي بتاعتي
ورحت بقول لاختي ايه رايك
قالتلي هو عيد الطفوولة جاي بدري السنة دى؟!!!!
توتي
سيبى شغل الاطفال ده يا توتى وروحى ذاكرى هههههههههه
ولو عايزه شريطه احمره هبقى اجيبلك واحده ان شاء الله
خلاص انا مستنية الشريطة الاحمرة
وكمان في عروسة زغنونة شفتها النهاردة
ابقي هتيهالي هدية
اصلي خوفت اشتريها لانو ماما اتجننت من لعباتي كلهم
هههههه
يلا دبستك يا حرام
توتي
شوفتي يا لوليتا!! علشان شعري قصير روحت لماما وقلتلها اربطيهالي
قالتلي: (الا ما ربطهالك وانتي مسخوطة، هربطهالك دلوقتي؟؟!!!) ههههههههه
اديني اتهزقت واللي كان كان
يلا ماعلينا
توتى انتى بتستغلينى علشان انا طيبه
لونا تستاهلى :P
جميل ان تظلى متذكرة الماضى الجميل
شخصيتك جميلة تستحق الاحترام والتقدير
اسلوبك فى وصف شعورك يستحقايضا التقدير اشكر القدر الذى جعلنى امر على كتاباتك
كل الشكر والتقدير ليكى يا صاحبة السمو العقلى والفكرى معا
elkhyana ...
من ليس له ماضى لا حاضر له ولا مستقبل
اكيد لازم افتكر ايام زمان
ميرسى ليك :)
Post a Comment