بيتي الثاني .. برتاح هناك
Thursday, April 10, 2008
تحديث
__________
حصلت حاجه امبارح قلت لازم اكتبها هنا لانى مش فاضيه اعملها بوست جديد
امبارح وانا مروحه فى امان الله كده لقيت فى الشارع بتاعتنا هيصه و دى جى
قلت خير الله اما اجعله خير هو العريس جه وكمان عملو الفرح هههههههه
انا عادى يعنى ماكنتش هتضايق انهم عملو كده من غير ما يقولولى اصلى قربت على الامتحانات بقى ومش فاضيه افكر
المهم لقيت دوشه وناس كتير وصوت الدى جى خرم ودنى فمشيت بسرعه وقلت لما اروح البيت اسأل ماما هو الفرح ده بتاعى ولا لأ
كل اللى لمحته حبة قطن ومخدات ولحفه وبطاطين - فيما معناه طبعاً ان ده تنجيد عروسه - بما اننا ساكنين فى موزامبيق فالعرايس لسه بتعمل الفرح فى الشارع
المهم يادوب مشيت خطوتين ولقيت طنط جارتنا بتبصلى وتضحك
قلت ده شكله بجد وجايه تقولى مبروك
رايحه اسلم عليها لقيتها بتقولى عقبالك قلتلها ايه ده هو فرح مين
واخدت الصدمه
فرح واحده من صحباتى ايام اعدادى
قلت طبعا لازم اروح اسلم عليها
وطنط خادتنى فى ايديها اروح اسلم ع العروسه
البت لسه قصيره زى ماهى هههههه بس احلوت اكيد طبعا ده من اثر الفرح عالم غريبه انا اعرف اتجوزها على ايه وهى قصيره كده ههههههه
بس بقى روحت سلمت عليها وقلتلها مبروك قالتلى عقبالك ضحكتلها وقلت ف سرى يارب ههههههه
اصل انا اللى كاتبه البوست الطويل العريض ده هى اللى تتجوز ازاى
وانا ماشيه بقى لقيتها بتقولى هستناكى يوم السبت بقولها ليه يابنتى فى فرح واحده صحبتنا تانيه قالتلى لا دى الحنه بتاعتى ويوم الحد الفرح
قولتلها تانى مبروك واخدت نفسى ومشيت
بس خلاص كده
طلع الفرح مش فرحى وانا اللى كنت فاكره البوست جاب نتيجه
__________
حصلت حاجه امبارح قلت لازم اكتبها هنا لانى مش فاضيه اعملها بوست جديد
امبارح وانا مروحه فى امان الله كده لقيت فى الشارع بتاعتنا هيصه و دى جى
قلت خير الله اما اجعله خير هو العريس جه وكمان عملو الفرح هههههههه
انا عادى يعنى ماكنتش هتضايق انهم عملو كده من غير ما يقولولى اصلى قربت على الامتحانات بقى ومش فاضيه افكر
المهم لقيت دوشه وناس كتير وصوت الدى جى خرم ودنى فمشيت بسرعه وقلت لما اروح البيت اسأل ماما هو الفرح ده بتاعى ولا لأ
كل اللى لمحته حبة قطن ومخدات ولحفه وبطاطين - فيما معناه طبعاً ان ده تنجيد عروسه - بما اننا ساكنين فى موزامبيق فالعرايس لسه بتعمل الفرح فى الشارع
المهم يادوب مشيت خطوتين ولقيت طنط جارتنا بتبصلى وتضحك
قلت ده شكله بجد وجايه تقولى مبروك
رايحه اسلم عليها لقيتها بتقولى عقبالك قلتلها ايه ده هو فرح مين
واخدت الصدمه
فرح واحده من صحباتى ايام اعدادى
قلت طبعا لازم اروح اسلم عليها
وطنط خادتنى فى ايديها اروح اسلم ع العروسه
البت لسه قصيره زى ماهى هههههه بس احلوت اكيد طبعا ده من اثر الفرح عالم غريبه انا اعرف اتجوزها على ايه وهى قصيره كده ههههههه
بس بقى روحت سلمت عليها وقلتلها مبروك قالتلى عقبالك ضحكتلها وقلت ف سرى يارب ههههههه
اصل انا اللى كاتبه البوست الطويل العريض ده هى اللى تتجوز ازاى
وانا ماشيه بقى لقيتها بتقولى هستناكى يوم السبت بقولها ليه يابنتى فى فرح واحده صحبتنا تانيه قالتلى لا دى الحنه بتاعتى ويوم الحد الفرح
قولتلها تانى مبروك واخدت نفسى ومشيت
بس خلاص كده
طلع الفرح مش فرحى وانا اللى كنت فاكره البوست جاب نتيجه
الكلمه دى بجد مش بجاحه
ههههههههه صعبه كلمه بجاحه دى
بس انا بتكلم جد
صحيح انا لسه صغنتته
وبطفش عرسان كمان
بس لما باجى افكر كده بعقل
او مش بعقل
بقلب بنوته بجد
بلاقى فعلا انى بقول عايزه اتجوز
او مش اتجوز على الاقل اتخطب
زمان كان لما حد يجى يقولى عقبالك فى مناسبه فرح او كده اقوله بعد الشر
دلوقتى بقيت اقولهم يارب او ادعو بضمير او ياريت
حاجه كده يعنى
لو هاجى احسبها واحده واحده
انا ماعنديش وقت احب واحد
ماهو انا يا ى الكليه يا بذاكر يا قاعده ع النت يا نايمه
وماعنديش وقت اضيعه مع واحد يقعد يقولى كل شويه اى لافز يو واقوله وانا كمان
بس لو هبصلها من ناحيه تانيه
طب ماهو انا محتاجه حد نقعد نحب فى بعض كده علشان اعمل زى الناس ههههههه
يعنى كل صحباتى اتخطبو وكل قرايبى وجرانى
اشمعنى انا ست المعترضه
ده غير ان اللى اصغر منى كمان مرتبطين او يمكن متجوزين
عايزه يكون فى حد كده معايا اقعد احكيله كل يوم اللى بعمله ويقعد يحكيلى ونتخانق ونتصالح
يجى يقولى على واحده صاحبته اتخانق معاه وبعدين يصالحنى
او انا اقوله على موقف مع زميل ليا يقوم مزعقلى
وبرده يجى يصالحنى
طبيعى انه فى الحالتين هو اللى هيصالح يعنى
بس المشكله بقى
فين هو العريس اللى ممكن يرتبط بيا !!!!
اصلى زى ما الناس كلها عارفه لاسعه حبتين وطاقه شويه حبات
ده غير انى عايزه ولن اتنازل عن شبكه سوليتير خاتم وانسيال
وبالنسبه للشقه فانا عايزاها واسعه اوى اوى
وتكون دورين
وسريرى يكون من السراير المبنيه فى الارض
نص دايره رخام وبيطلعولو بتلت سلالم ويكون لو الاوضه ابيض والرخام رمادى
وعايزاه يكون بيفهمنى بسرعه
لانى مش بحب اقعد اوضح اللى انا عايزاه
غير ده كله عايزاه يستحملنى
لانى عارفه انى لما بتعصب بكون شريره اوى
وكمان عايزاه يكون شخصيته قويه اووووووووووووووى
لانى وبمنتهى الصراحه عندى جباروت جامد اوى اوى
فمش اى حد من السهل انه يقدر يسيطر عليا
ولازم تكون قويه علشان اسمع كلامه
لانى لمضه وعنديه ومش بسمع الكلام
على رأى واحد صاحبى خلقت لكى اعترض
بس كده كفايه كده رغيت كتير اوى
حدش يعرف عريس بالمواصفات دى وليه الثواب
يابخت من وفق راسين فى الحلال
قطعة سُكر: مقتطفات من مذكرات بنوته
Subscribe to:
Post Comments (Atom)
Falling hearts Here
51 قالو اللى في نفسهم:
انتى اساسا لاسعه رسمى يا يويا و الله
ربنا يكرمك يا بنتى و تلاقى حد بالمواصفااااااااااات دى
على فكرة .. اظن هو موجود بالفعل
الكلام ده انا سمعته من حد قبل كده ..
ياريت تكونى فهمتينى;)
ربنا يكرمك يا قمر يارب ..
هههههههههه يابنتى انا لاسعه طبعا انا عارفه
بس مش فاهمه قصدك على ايه
اعترفى يابنوته
هو جالك عريس ليا قبل كده ههههههههه
بس هو فين العريس ده !!!!!!!
هفهمك على المسنجر بقى:D
هفتحهولك علشان حاسه انى غبيه ههههه
والله يا لوليتا هي اجة جميلة اوي انك تحكي لنفسك عن نفسك، والناس تقرا وتفهمك
ومش هاقوللك ماتحلميش
من حقك تحلمي
ولوقدرتي تحققي الحلم مش مستحيل
بس حطي في دماغك
ان ممكن في يوم من الايام ييجي واحد ويكسر كل احلامك دي
وميبقاش فاضل غير حلم واحد
انك تتجوزيه!!!!! وبس
ربنا يارب ينوللك اللي في بالك، ويجيبلك عريسك -اللي لازم يكون نصاب او حرامي علشان يجيبهوملك- شبكة سوليتير، وسرير مبني بتلات سلالم، وكل اللي نفسك فيه
بس انصحك تدوري على العريس ده في حته غير مصر
لان شباب مصر اغلبهم فقرانين ومش لاقيين ياكلوا
ههههههههههههههههههههههههه
ههههههه ماشى ياقمر
بصى انا مقتنعه تماما ان موضوع العريس اللى ممكن يكسر كل احلامى ده هو اللى هيحصل بنسبه 99 %
بس يلا ادينى بحلم وخلاص
اما بالنسبه بقى لانه حرامى او نصاب
فكله بظروفه هههههههه
بس انا عريسى لازم يكون مصرى ابدا عن جد
المدونة جميلة يا وسبر :)..
تعرفي .. في مدونة تقريباً تحمل نفس الاسم "عاوزة اتجوز" .. تولت "أخبار اليوم" - تقريباً - جمع ما فيهاوطبعها في كتيب ..
ربّنا يحققلك أحلامك ..
ايه البوست الجامد دا
مسخرة و الله هههههههههه
طب انا اعمل ايه في نفسي يعني لما انتي عاوزة تتجوزي انا اولع في نفسي هههههههههه
بس انتي اول واحدة تشوفي صورتي انا وختيبي امور مش كده ههههههههه
بجد يا يويا ربنا يكرمك و ان شاء الله تلافي اللي يمشيكي على العجين يا كتكوتة انتي
و يبقى راجل ملو هدومه و بشنبات
على فكرة انا هيست منك لله ههههههه
ماك ببسلم عليكي بقى تصبحي على خير
marawita
حسام مبسوطه اوى ان عجبتك المدونه
انا عارفه مدونه عايزه اتجوز
وغاده من البنات اللى بحب اقرالهم اوى
بس هى المدونه كلها كانت بتتكلم عندها على الموضوع ده تقريبا
اما انا هنا فده بوست واحد فكرته جت فى دماغى
على فكره انا جت عليا فتره لما اتطبع كتاب عايزه اتجوز ومن قبله كتاب المدونه العراقيه وكان نفسى انا كمان ابقى حاجه زى كده
بس لسه بدرى علينا
نورت البلوج يا زميلى العزيز
حضرتك كده مش هتتجوزى الا فى القرن القادم
مارويتا ماى لاف
يسمع منك ربنا ويجيلى عريس ملو هدومه كده بس مش بشنبات ويمشينى على عجين اه
اما ختيبك ماكدونالز باشا ليه عندى هديه لو جحابلى العريس
علشان فرحى انا وانتى يبقى ف يوم واحد هههههههههه
هو مين اللى بيقولى انى مش هتجوز ولا بعد قرن ده هههههههههه
على العموم هى وجهات نظر بردو
على فكره هو فعلا ممكن يكون الجواز هيتاخر
بس مش قرن كامل يعنى
بت يا وسبر .. انتى اتجننتى رسمى بس لربنا يحققلك حلمك و تلاقى واحد بالمواصفات دى كلها
هههههههه بت يا لولى .. انتى اتجننتى
بس ان شاء الله تلاقى الشخص اللى بالمواصفات دى كلها
انا مجنونه اصلا مش لسه متجننه
بس قولولى فى اخر الكونت مين اللى بيكتب بليز علشان اعرف مين اللى متابعنى
ويارب الاقيه بقى لحسن شكله مش موجود خالص
للاسف مبقاش فى جواز خلاص انسوا ..
طن الحديد وصل 6300 ج و انتى عاوزة شبكة سوليتير :D
ده اللى بيجيب دبلتين و محبس بيبقى برنس فى الزمن ده ..
وعجبى
لا ياس مع الحياه يا جماعه على فكره ههههههه
انا عندى يقين ان كل حاجه فى الدنيا مش مستحيله ابدا
انى واى ميرسى ع الرد
بس بليز يا جماعه سيبولى اسمكو فى اخر الكومنت :)
انتى صحيح مجنونة بغباااااااااااء ولاسعة ومطرقعة .. زى ناس ... بس شخصية حلوة او ىومرحة ومقبلة على الحياة
هتلاقيه ياخطى ان شاء الله .. بس بلاش الشقة الى بدورين ديه
ريرى بجد اكتر كومنت بسطنى بتاعك مش لانك بتقولى انى لاسعه ولا لانك اللى كاتباه بس لانك قولتى انى هلاقيه هههههههه
وحشانى موت يا ريرى والله
مبسوطه اوى انك دخلتى البلوج
وادعيلى بقى انى الاقى العريس ويجيبلى الشقه كمان
هههههههههههههههههه يخربيت الجنان , هتقعدى عازبة طول عمرك بالطريقة دى , الشباب مش لاقى اوضة وانتى تقولى دورين ( هأ ) فى تاج بتاع العزوبية ابقى انفجرى فيه لما ابقى اعمله هابقى احدفه عليكى , وبعدين فعلا انا معترفة انك لاسعة من ساعة اخر مرة لما روحتى لوحدك وروحتى تجيبى اللحمة بالليل , الناس بتجيب اللحمة الصبح وسيادتك بتجيبيها بالليل , دى مية فى المية هتبقى مجمدة , وبما انك فرحتى بكلمة ريرى انك هتلاقبه , فاحب ابشرك بانك عمرى ما هتلاقيه ياحبى
ههههههههههه زى الهوا يا فقر ههههههه
كده الفضايح دى يابنتى على المنتدى لحمه وبالليل هههههههه
لو العريس جه قرى البلوج ده وشاف انك بتقولى كده هيطفشى هههههه
اما بقى بالنسبه للشقه فطالما هو مش لاقى اوضه يقعد فيها هيتجوز ليه ههههههه
يارب يجى العريس علشان يغيظك ويجيبلى الشقه ويجيبلى الشبكه السوليتير :P
هههههههههههههههههه
والله البوسست دا فيه شويه ردوود مسخره يا بنتى
ههههههههه
انا تحت لما لقيت 24 رد
شايفه الناس مهتميه بالكلام عن ايه
:D
بعيدا عن ان كل حد معلق على الشبكه والشقه
فانا بجد بدور على عريس ياروز
جواز !!!!
الكلمة ديه سمعتها فين قبل كده :D:D
لا لا مش قبل 28 سنة و يبقى بدرى كمان
و الشبكة دبلتين و شبشب بصوباع هههههههههههه و المهر شرررررعى ربع جنيه و هيبقى مخروم :D
قال شبكة سوليتير بتتفرجى على افلام عربى كتير صح ؟! :D
افلام عربى !!!!
لا يا فندم
كل حد فى الدنيا دى ليه احلام
وانا باستثنائات كتير عندى احلام كتييييييييييييييييييييير
وكفايه عليا اوى انى اعرف احلم
بدل اما اطق من كتر الكبت والكتمه
حتى لو الحلم ده مااتحققش
وعلى فكره انا مش شايفه اى كارثه فى ان شبكتى تكون سوليتير
اصل كل واحد عارف قيمه نفسه :)
انى واى ميرسى على الكومنت
بس هو ياترى ممكن اعرف مين حضرتك:)
هههههههههه
كلامك جميل اووي
عجبتني الشبكة السوليتر
يمكن لاني مصممة بردوا على سوليتر
بس خاتم واحد كفاية
ههههه
ان شاء الله يجيلك فارس على حصانه الابيض العسول
ويخطفك يا جميلة
بالتوفيق
توتي
هههههههه
اهو طلع فى واحده تانى اهو
بس كويس يا توتى واضح انك كمان قنوعه او
بدليل انه كفايه خاتم واحد
ويارب يجى الفارس حتى لو على حصان اسود ههههههه
ميرسى يا بنوته على الكومنت :)
القناعة كنز لا يفنى
هههههههههههه
يا بنتي اهم حاجة في الحصان يكون ابيض
دي مينفعش فيها تنازلات
الحصان الابيض بيدل على نقاء قلب الفارس
وربنا يبعدنا عن الحاجات السودة
توتي
مش بقولك قنوعه
انا المهم عندى دلوقتى العريس
كل حد فى الدنيا دى ليه احلام
وانا باستثنائات كتير عندى احلام كتييييييييييييييييييييير
**
الاحلام مش عيب طبعا ..
و لو بطلنا نحلم نموووووووووت :D
**
بس هو ياترى ممكن اعرف مين حضرتك:)
**
( unknown ) :)
شكرا يا
unknown
وانا اساسا عرفت مين
نورت / ى البلوج يافندم
منا عارف انك اذكى من كده بكتير ..
يبقى نورت بس من غير / ى :D
نايس بلوج :)
اهو علشان بس انى اشوف الرد ده هههههههههه
بجد نورت البلوج بتاعى :)
لو من غير حرف الدى و نايس دى و اذكى من كده كان ممكن اتلغبط
يلا موش مشكله لسابع مره تقريبا نورت البلوج
e7na fe ayam may3lam beha ela rabena walahy ...
rabna ystoar 3lena w ntgwaz kolna isa w isa bardo mn 3'er el shabka el solitaire :D:D
lonly
isa
el shabka el soliter :)
احلام الفتاه الصغيره
بالظبط كده يامنى بس ماحدش فهم كده :)
لو اصريتى على احلامك ممكن تقدرى تحققيها بجد
متخليش حد ييجى يحبطك
حتى الاحلام بقى ممنوعه
ايه يا عالم ده
:D
و ازاى يعنى هيبقى فرحك و ميقلولكيش
هههههههههههه
انسان بلا حلم ماهواش انسان ياروز
ماحدش هيقدر يشيل منى الحلم ده الا حاجه واحده بس
وبالنسبه للفرح بقى فانا قلت انه ممكن يكون العريس بقى حاسس بيا وعارف انى ماعنديش وقت افكر فى اى حاجه فخلص مع نفسه ههههههه
________________
البوست عمل مفعول وواحده صاحبتى جابتلى عريس النهارده ههههههه
ايه يا بنتى ده كله :d
هو بغض النظر عن الاحلام العريضة والصورة الواسعة اوى اللى رسمتيها للى هترتبطى بيه وامكانياته ..
ربنا يوفقك وتلاقيه :)
قريب عشان تلاقى حد تحكيله وتطلعى روحه :d
koka:
ادعى بضمير وكتير ههههههه
بس والله انا مش هطلع عينه ولا حاجه انا هعامله بمنتهى الطيبه والرقه خالث علشان انا عثوله موووووووت
انتى بجد فعلا خلاص عاوزة تتجوزى و انتى صغيرة كده ؟!
هتعرفى تشيلى مسئولية بيت و الكلام اللى بنشوفه ده ؟
ولا مجرد رغبة فى الجواز و خلاص
اموشن متنح
على فكره يعنى المسؤليه دى مش كلمه وخلاص انا مش عارفه اساسا ان كنت عارف ايه نوع المسؤليه اللى بتتكلم عليها دى ولا لأ
بس عامة اى مسؤليه هى مسأله نسبيه
واعتقد انى وضحت فى البوست النقطه دى وقلت اتخطب
بجد يا يويا عايزه اقولك علي حاجه انتي فعلا لاسعه زي مانتي يتقولي بس فعلا دمك خفيف بس صعي قوي حكايه شقه بدورين ولا حتي بدور واحد يا دوبك اليومين دول الشاب بيجيب اوضه يعملها نوم وسفره وانتريه وصالون وريسبشن ولو اتزنق ممكن يعملها اوضه ضيوف اما بالنسبه للحاتم السوليتير فانا بقترح عليكي اول ما العريس يجي من غير ماتساليه روحي في سوق العبيد وبيعيه هوه واهله عشان تشتري الفص بتاع الخاتم بش مش مشكله اهو هتبقي عارفه عنوانه اما يوحشك زوريه.ربنا يكرمك يا سكر ويوفقك وتلاقيه بجد وبجد بجد دمك خفيف
بصى يا توتا
انتى عندك حق
بس كل حاجه حد حققها فى الدنيا دى كانت قبل كده حلم
وانا من وانا صغيره وانا نفسى فى الخاتم السوليتير وفى الشقه ام دورين
طبعا ده مش تقييمى الاساسى للعريس
بس دى حاجه من ضمن الحاجات اللى نفسى فيها :)ة
مرا تقهري
الحبمرا مو كدا الحب تنازلات يماما
ولو انتي تبغي واحد تمشي كدا على كيفك مرا ارتاحيواجلسي فبيت بابتك احسلك ياقمر
ونصيحة مني افهمي الناس بطريقتهم مو بطريقتك
لانك لو فهمتيهم بطريقتك حيفهموكي بطريقتهم
وافهميني ياعسل :)
وعقبالك يارب بس الحياة مو كلها سرير وغرفه
اللي يحب احد يعيش معاه حتى لو فغرفتين وحمام :)
يريت يكون كلامي وصلك بعقل ياعسل :)
باي
مرا تقهري
الحبمرا مو كدا الحب تنازلات يماما
ولو انتي تبغي واحد تمشي كدا على كيفك مرا ارتاحيواجلسي فبيت بابتك احسلك ياقمر
ونصيحة مني افهمي الناس بطريقتهم مو بطريقتك
لانك لو فهمتيهم بطريقتك حيفهموكي بطريقتهم
وافهميني ياعسل :)
وعقبالك يارب بس الحياة مو كلها سرير وغرفه
اللي يحب احد يعيش معاه حتى لو فغرفتين وحمام :)
يريت يكون كلامي وصلك بعقل ياعسل :)
باي
Post a Comment