Monday, July 20, 2009
جيت
وعارفه ان الكل زعلان مني
وماكنتش ناويه اجي اصلا
بس قلت افرحكم معايا
انا نجحت الحمد لله
وبقيت فى سنه رابعه
فاضلي سنه واحده بس واتخرج
وقدامي حاجات كتير جدا لازم اعملها فى السنه دي
عايزاكم كلكم تدعولي
بجد مش عارفه اشكر ربنا ازاي
مهما قولت الحمد لله وشكرته مش هيبقى زي ما ربنا وقف جنبي خالص
انا بحبك اوي يا رب
اللهم لك الحمد كما ينبغي لجلال وجهك وعظيم سلطانك
السنه دي بجد اول مره افرح بنتيجه ليا كده بعد الثانوية العامة
مع انها مش احلى النتايج ولا حاجه
بالعكس كمان ممكن تكون اقلهم
بس فعلا السنه دي كنت فاقده الامل نهائي
ولأول مره فى حياتي جالي احساس اني ممكن مااعديش منها على خير
بس الحمد لله ربنا كريم اوووووووي اوووووووووي اوووووووووي
_______________
حاجه بقى بره الموضوع كده
بس لازم اكتبها هنا ودلوقتي
حاجه مكتوبه لحد هو عارف نفسه كويس اوي
بجد فرحتي كانت هتبقى اكتر بكتير لو لقيت منك ريأكشن غير ده
مش عارفه ليه العلاقة بينا وصلت لكده
نفسي اعرف انا غلطت فى ايه
او انا اتغيرت فى ايه
بجد اللى حصل النهارده ده ضيع عليا فرحتي وكل اللى حواليا لاحظو ده
وبردو مش فاهمه السبب
ليييييييه كبيره اوي بتدور جوايا ومحتاجه اعرفلها اجابه
وكل الاجابات فعلا مش مقنعه
ومش هتدي اكتير من 50% من الراحة المطلوبة
بجد فعلا زعلانه اوي
وفعلا ضيعت فرحتي
قطعة سُكر: حاجه سبيشال
17 قالو اللى في نفسهم:
alf alf alf mbroooooooooooook ya amraya w3obal el bakalyreos ya rb waked rbna krem bena wmhma shakrna msh hnofeh 7aoh
حمد ا لله على سلامتك البلوجر كله نور من تانى
مليوووووووووووووون مبروك
ربنا يكرمك ويسعدك دايما
طوبة دهب وطوبة فضة
الله يبارك فيكي :)
ليسانس ان شاء الله مش بكالريوس
mohamed
ربنا يكرمك :)
البلوجر منور بيكم
الله يبارك فيك ويوفقك وتطمنا على نتيجتك انت كمان ان شاء الله
الف مبروك يا قمر
عقبال التخرج ان شاء الله
بالتوفيق
تقبلى مرورى
الف مبروك يا برينسيسة معلش جت متاخرة بس انا كنت غايبة لفترة طويلة برضه
الف الف مبرووووك وعقبال التخرج وفعلا ربنا كريم اوى
واوريجنال عملت ايه وانتم غايبين ليه كدة ؟
تحياتى
ايمى
مبارك و يارب نشوفك متخرجة و في الكوشة قريب
احساس طفلة :
الله يبارك فيكي :)
emmy:
ايمي
الله يبارك فيكي يا جميله
ربنا يكرمك
احنا بخير الحمد لله
واوريجينال بتصيف وجايه :D
هي كمان جابت تقدير كويس جدا الحمد لله
Sooberman
جزاك الله كل خير :)
والله يبارك فيك
ومبروك ليك انت كمان
يسمع منك ربنا فى الدعوتين دول
خصوصا التانيه دي ;)
ألف ألف ألف مبرررروووووووك عقبال التخرج إن شاء الله
كل سنة وانتي طيبة ورمضان كريم عليكي وعلينا
ممكن اعرف سيادتك فين كل دا؟؟؟
يا حبيبتى ربنا يوفقك ويسعدك ويصلح حالك دايما ان شاء الله
وشهر كريم وفضيل عليكى وعلى كل من تحبين
ابقى طمنينى عليكى دايما
وومن :
ميرسي يا جميل
blue wave
سيادتي كانت بتاخد هدنه :)
عندي جفاف في الافكار
محاسن
وحشاااااااااااااااااااااااااااااااااااااااااااااااااااااااااااني
وبس
الى ابن بطوطة : دام التألق والابداع ,,,, .جديدي قصيدة منها : .أخِي الإنسَانُ فِي شرْق ٍوَغَرْب ٍ ===== أيَرْضَى الظلْمَ مَنْ لِلظلم ِ ذَاقا؟ تحياتي لك وتقديري ,,,,
Post a Comment