بيتي الثاني .. برتاح هناك
Sunday, September 20, 2009
حبايبي الحلوين
وحشتوني
كل سنه وانتم طيبين
بما اني مش لاقيه حاجه اكتبها
فانا جايه افضفض شويه
يمكن ماحدش يفهم اللى انا بقوله
ماتقلقوش المشكله مش فيكم
ده فيا انا
**********
ويااااااااااااااااه
لما الحنين بياخدنا
لمرجيحة بتحضنا
وياااااااااااااااااه
وبتعلى فوق صور بيتنا
تاخدنا لفوق وبتسعنا
نلاقى الطفل جوانا
عنيه بالفرحة مليانة
وضحكة مش مفرقانة
فى بشرة خير لأيامنا
ويااااااااااااااه
لما الحنين بياخدنا
لمرجيحة بتحضنا
ياريت ترجع ليالينا
تاخد تانى ايادينا
تجمعنا تخلينا
نشوف من تانى قدامنا
وياااااااااااااه
لما الحنين بياخدنا
لمرجيحه بتحضنا
وياااااااااااااه
وبتحلى بيها دنيتنا
تاخدنا لفوق وبتسعنا
تلملمنا صديق وصديق
ترجع حلم قلب برئ
تقول غنوة تبل الريق
وترجع بيها احلامنا
وأااااااااااااااااااه
لما السنين بتعدى
وتسرق منا أحلامنا
وااااااااااااااااااه
دى بتجرى ما تهدى
تضيع ملامحنا وكلامنا
**********
نص بيضحك و التانى زعلان
انا شيخ فلتان
طيب شرير و جرئ و جبان
اوقات مشرق و اوقات بهتان
و ساعات سلم و ساعات تعبان
مفترى جداً و كمان غلبان
شبابيك و بيبان .... توهة عنوان
انا م الأخر عفريت لابس بدلة إنسان
************
جمر الهوا جوا القلوب والع ... والع
لو غاب قمر مليون قمر طالع ... طالع
يا عشاق الحياة
يا ضحكة من منني العيون متمكنه
كل المطارح ملكنا
م القلب ده دقة
والحس ده حبة
والرجل دي دبة
***********
نفسي اغمض عيني وافتحها الاقينا بقينا فى الشتا والمطر بيمطر
انزل اتمشى ع الكورنيش
ايدي في ايد اجدي جينتل مان فى البلد
ناكل ايس كريم ونشرب حمص شام
نتفسح لحد الفجر
Wednesday, March 4, 2009
مش انا طبعاً
شوفتو انا جيت بسرعة ازاي
اي خدمه
بوستين ورا بعض اهو
مين بقى اللى عمل اللى عليه
هو او هي !!!
مش الغاز
دول حلقتين للشيخ مصطفى حسني ضمن برنامج خدعوك فقالو
بيتكلم ببساطة عن ازاي كل راجل يخلي زوجته اسعد انسانه في الدنيا
وازاي كل زوجة تخلي زوجها اسعد انسان في الدنيا
افكار بسيطه اوي
طالعه من دينا
ومن فطرتنا
الحلقتين عجبوني اوي قولت اجيبهم لكم علشان لو حد ماشفهمش
وفي نفس الوقت عايزه اتكلم عن الموضوع ده
الحلقه الاولى
الحوار للرجال
Mp3
http://rapidshare.com/files/200801728/Khadaouk09EP8.mp3
Video
http://rapidshare.com/files/20080172...aouk09EP8.rmvb
الحلقة التانيه
الحوار للنساء
Audio:
http://rapidshare.com/files/203338216/Ana_3amlt_elly_3alia_p2_ah.mp3
video:
http://rapidshare.com/files/203346685/Ana_3amlt_elly_3alia_p2_vh.rm
انا بقى عن نفسي شايفه ان الموضوع كله بيتوقف عند البنت الزوجه المفروض هي اللى تاخد على عاتقها حمل انها تلطف الجو
بجد شايفه ان المفروض هي اللى بأديها تسعد البيت كله او هي اللى تنكد على البيت كله
وانا بسمع الحلقة بتاعت الزوجات
قلت فعلا هو ده الصح
حتى لو الزوج ماعندهوش دم المفروض احنا - الجنس الناعم - اللى فى ايدينا كل حاجه
احنا اللى نقدر ننكد واحنا اللى نقدر نسعد
يمكن ناس كتير تيجي تضربني وتقولي انتي بتتكلمي بوجه نظر اللى مش عاش في الدنيا دي
وماتعرفيش ايه اللى بيحصل علشان تتكلمي
يمكن
بس الاكيد ان ربنا اللى خلقني وخلقكم لما يكون هو الأساس بعلاقتنا بالطرف التاني كل اللى انا بقوله ممكن يتحقق
لاني ببساطه كل اما اجي اتعامل مع الطرف ده هفتكر اني بعامل ربنا مش بعامله هو
اما بقى اذا كان طرف من الاتنين بيراعي ربنا والتاني متمادي في الغباء
يبقى بردو العيب مش في وجهة نظري
العيب انه في البداية ومن الأول مامشيوش على قواعد ربناه
ولا هو ظفر بذات الدين
ولا هي اختارت اللى يرضى ربنا عن دينه وخلقة
كان سوء اختيار من الأول
بس انا خلصت كلامي
وياريت اسمع تعليقاتكم على الحلقتين
Saturday, February 7, 2009
زعلانه منكم نفر نفر
اه بجد
طلعتم وحشين اوي
وهانت عليكم العشرة
وهان عليكم البونبوني اللى اديتهولكم
ماكانش عيش ولحمة وكحك
زعلانه اوي بجد بجد منكم كلكم
بس كعادة سيادتي ديما
وعادة قلبي اللى ابيض من الرز بلبن
قلت خليني انا الطيبه
ووقلت اجي اسلم
واقعد على قلبكم تاني زي الاول
عارفه انكم زعلانين مني علشان مش كنت بسأل على حد ولا بلوجر ولا ماسنجر
بس بردو مش مبرر يا اشرار علشان تقعدو تلت شهور ماتعبرونيش
مش تسألو يمكن اكون انتحرت على اثر الامتحانات اللى مالهاش وصف اللى كنا بنمتحنها دي
يلا ما علينا خليني انسى
انا جايه اسلم
واقول وحشتوني
وافتح صفحة جديده بعد حالة اللغبطه اللي كنت فيها دي
يوووووووووووووووووووه نسيت اقول
حاجات كتير ماتتحكيش هههههه
سلام يا شعب
كان معكم محدثتكم البونبوناية المسكرة
الست لوليتا المقموصه :p
تحديث :
من كام يوم قريت على الفيس بوك عند احمد الصباغ خبر وفاة الفارس الملثم :(
بجد كان الخبر زي القشة التي قسمت ظهر البعير
يمكن انا مش اعرفه شخصياً بس كتير كنت بتابع مدونته وبحس بكلام منها بيلمسني
فياريت كلنا مش ننساه لانه كان واحد من عائله بلوجر اللى اتشرفت اوي اني واحده منها
وياريت كلنا في كل صلاة ندعيله
ربنا يرحمه ويغفرله ويحسن ليه
Sunday, December 7, 2008
يااااااااااه
فين اخر مره شفت فيها الصفحه دي
ههههههههه
بجد وحشني موووووووووووووت
كلكم كلكم كلكم
هابي عيد عليكم
هابي لحمه :P
فرصه الواحد يشوف اللحمه اللى بقاله دهر ماشمش ريحتها
اعذروني بجد اني مش بدخل
بس حاسه اني بمقت الكمبيوتر ههههههههه اه والله
هو صحيح انا طول عمري بكره التكنولوجي الحديثه
بس اليويمن دول بزياده
مش بفتح الكمبيوتر
اصلا ده اختراع فاشل
كل اما افتحه الاقي اخبار منيله
يووووه
ما علينا مش وقته الرغي ده كله
انا داخله علشان اقولكم هابي عيد يا خلق الله
واقولكم كمان هعمل ايه في العيد
زي ما اصدقاء الفيس بوك شايفين
3id = a7la re7la le coton island 7 days wzout mobils, silly people, za7met mwaslat CHEEEEEEEER
هو ده العيد بتاعي انا هنااااااااااااااااااااام
وهخلص المذاكره الله يحرقها اللى مش بتخلص دي
واهم حاجه في العيد
اني هقعد اسبوع كااااااااااامل مااركبش مواصلات
ياااااااااه
مش مصدقه نفسي
هو صحيح انا طول عمري بستغرب اننا نقول على حد ابن ناس
لان الباقيين مش ولاد هوهو يعني
بس فعلا فى المواصلات كل يوم بصوت واقول انا بنت نااااااااااااااااااااااااس
والله انا بنت ناس
مش معنى ان الظروف حكمت عليا اني اركب المواصلات العامه
واسبيشال الموصلات من والى امبابه ستي
فالناس تلاقي مبرر انها تعاملني بحقارة
لا اعتررررررررررررررض
والله عندي عربيه
وبعرف اسوق
بس انا بكره الزحمه او بمعني اصح بخاف
اه والله بخاف من الصوت العالي
وبخاف من الزحمه
فليه الناس بتخليني اكره نفسي بقى علشان بركب مواصلات عامه
ما علينا
المهم اني اسبوع بحاله هرتاح من الزحمه
وهرتاح من اني لما ارجع بيتنا كل يوم اقعد اعيط بسبب الزحمه وبسبب ريحة الناس الوحشه وبسبب الاغاني اللى فى الميكروباص وبسبب التوك توك وبسبب الشباب اللى عايزين الحرق
اسبوع كامل همارس فيه حريتي وكرامتي كفتاة
اكيد دلوقتي ببتقولو البت دي اتهبلت
بس اللى منكم ساكن في امبابه وبيروح جامعه عين شمس هيعرف اللى انا بقوله
وهيعرف اني بجد بجد مش بهول الموضوع
بس خلاص همشي انا بقى علشان جعانه وماما مش راضيه تأكلني من لحمة العيد
سي يو اول فيري سووووووووووون
محدثتكم من امام طبق الفته
البونبوناية المسكره
الست لوليتا
صحيح
الشريط الجديد بتاع رامي صبري فيه اغنية تحفه اوي اسمها
ده اللى بستناه
برايفت اهداء مني ل ......
ليكم كلكم ههههههههه
مش تفهمو غلط :P
اللى بيحب يهديها للي بيحبه
واللى مش بيحي يسمعها ويقعد يتحسر على حاله هههههههههههههه
امشي انا بقى لحسن ابتديت اخرف
في رعاية الله
Thursday, November 20, 2008
ازييييييييييكم يا بشر
وحشتووووووووووني بجد
اولا بعتذر جدا عن فترة الغياب الطويله اوى دي
بس بجد انا بقالى كتيييييييير تعبانه اوى اوى اوى ومش قادره اعمل حاجه في حاجه
المهم بلاش رغي كتير
عايزه اقولكم كلكم بجد وحشتوني اوى
واحيانا كده كل فين وفين كنت بدخل على المدونه بتفرج على الكاونتر وبفرح ان لسه كتير منكم بيدخل المدونه يتفرج عليها رغم انه واثق اني ماكتبتش عليها حاجه
وعايزه اقولكم اني فرحانه اوى اوى اوى
لاسباب كتير اوى
منها ان النهارده فرح واحده من انتيماتي علو صوتكم وانتو بتقولولي عقبالك ههههههههه
ومنها اني قلبي خلاص اتطمن على اخري من انتيماتي
واهمها اني حاسه اني قربت اوى من ربنا الفتره اللى فاتت دي
وعلى الرغم من كده ان في حاجات كتير اوى مزعلاني
منها اني بقيت فاشله ومش بذاكر هههههه
بس عادي ولا بقت فارقه اصلا
يلا نسيبنا من الرغي علشان بجد مستعجله
بس عايزه اجاوب على التاج بتاع استاذ
mohamed ghalia
بجد التاج عجبني خالص خالص خالص
وعايزه ارد عليه
وبعتذر لكل الناس التانيه اللى كانو باعتنلي تاجات ومش رديت عليها واولهم حسن حنفي علشان كان باعتلي حاجات كتير
بس الفايل اللى كنت مسجله فيه كل التاجات دي اختفي من الكمبيوتر
فسو بقى
اللى منكم عايزني احل واحد تاني يبعتهولي تاني
بسرعه بقى
السؤال الأول:ماهى السعادة من وجهة نظرك؟
احم احم
السعادة من وجهة نظري .....
حاجة بسيطه اوى
احط راسي بالليل على المخده وانا مرتاحه ومااكونش بعيط او متضايقه او ظالمه حد
وعامة يعني السعادة بالنسبالي اي حاجة بسيطه بتحسسني اني متصالحة مع نفسي و راضية ربي
السؤال الثانى: كيف تصل إلى السعادة؟
ازاااااي ...
تيررارارارا
ممكن بأني مش اضايق حد من الناس اللى حواليا فطبيعي اني هكون مرتاحه وسعيدة
وكمان اني مش اقصر في حق ربي عليا
ساعتها بس بكون اسعد انسانه مهما كانت الظروف
السؤال الثالث: هل السعادة وهم أم أنها حلم صعب؟
تؤ تؤ بالعكس خاااااااااااالص
السعادة دي اسهل شئ في الوجود
ولا هي وهم ولا هي حلم ولا هي صعبة
بس السعادة حاجه نسبيه
ومش بتيجي من فراغ
لازم احنا اللى نخلقها مش نستني لما هي تيجي
السؤال الرابع: هل السعادة طريق للنجاح ؟وضح؟
شووووووووووووور
لان مجرد اما تبقى سعيد هيبقى عندك الباور اللازم لتحقيق النجاح
ماهي زي ما بيقولو هي دي الادرينالين بتاع النجاح
السؤال الخامس: ماهى أكثر اللحظات التى شعرت فيها بالسعادة؟
كتييييييييييييير اووووووووووووى بجد مش هقدر افتكرها كلها
بس اقربها كان امبارح
وانا مع صاحبتي بجيبلها فستان الفرح
ومن يومين لما شوفت انتمتي بعد حوالى 5 شهور ماشفتهاش
ويوم نتيجة الثانوية العامة وخصوصا نتيجة تالته
وايام كتير اوى بجد مش هقدر قولها كلها
السؤال السادس:هل ممكن أن تحقق كل شىء؟
اكيد لا
بس ممكن ارضى بأن اللى حققته ده هو اكتر حاجه مناسبه ليا هتسببلي السعادة
يمكن بالطريقه دي هكون راضيه عن نفسي وسعيده
السؤال السابع: السعادة تجعلك تقبل على الحياة أم لا؟
اكيد يعني هو انا ايه اللى هيخليني اعيش الحياة لو انا كئيبه ومتضايقه
السؤال الثامن: هل أحسست يوما انك وصلت لقمة السعادة؟
اغلب ايام حياتي بحس فيها بالاحساس ده
السؤال التاسع: لماذا تمر أوقات السعادة بسعة؟
هي اولا مش بتمر بسعه خالص
لانها يتخلص بسرعه اووووووي
بس احنا ممكن نوهم نفسنا انها كتير
السؤال العاشر: هل ترى السعادة فى التدين؟
طبعا جدا شور اوي يعني وكل وسائل التوكيد ههههههه
اي سعادة بعيد عن طريق ربنا بجد يعني هي مجرد وهم كبييييييييير اوي بنعيش نفسنا فيه
بس اللى يفهم
السؤال الحادى عشر: هل أنت متفاؤل وعندك أمل؟ وضح؟
تقريبا انا اكتر حد في الدنيا دي متفائل بططريقه بتخلي كل الناس تقول عليا مجنونه
بس فعلا مافيش احلى من التفاؤؤل
يعني انا بعد كل حاجه بتحصلي
واثقه ومتأكده ان ربنا هيخليني اسعد انسانه في الدنيا وشايلي الاحلى دايماً
-وهيرزقني بان الحلال- ههههههه
وموقنه دايماً ان اللى جاي احلى
السؤال الثانى عشر: إذا شعرت بالحزن ماذا تفعل؟
اقوم الاول كده اصليلي ركعتين لله اهدي خالص
وبعدين ادور على سبب الحزن ده
لو لقيته سبب جامد احاول احله
ولو سبب عبيط او من غير سبب اقف قدام المرايا واقولي اتهدي مافيش حاجه تستاهل زعلك يا جميل انت هههههه
السؤال الثالث عشر: هل يستمر معك الحزن فترة ام ينقضى فى الحال؟
بمنتهي الصراحه
3 دقايق و بس
السؤال الرابع عشر: ما رأيك فى الأفراد المتشائمين؟
ناس بيضيعو عمرهم بلا سبب
وبجد بجد هيندمو
وربنا يهديهم
واخر كلامي ان الحمد لله على نعمة السعادة
ميرسي لي اوي يا استاذ محمد على التاج الحلو ده
وياريت اي حد اي حد يدخل البلوج ياخد التاج ويمشي
هتوحشوني اووووووووووووي بجد وبحبكم كلكم في الله
كان معكم الست لوليتا هانم البونبوناية المسكرة
رئيسة حزب السعادة الابدية
من تحت حطام الكتب هههههه
اشوفكم على خير
Saturday, September 20, 2008
نسكافيه بلاك
Vs
كابتشينو من ابو رغاوي
كوبري قصر النيل بالليل والدنيا ضلمة مع حد بحبه Vs كوبري الجلاء وقت الغروب وحدي وماحدش يعمل دوشه
ومن ده كتير
ههههههههههههههه
ماتخافوش لوليتا لسه بعقلها
بس في حالة اذبهلال شويه من كذا موقف حصلولي ورا بعض حسيت فيهم اني دماااااااااااااغ وبعيده عن الدنيا دي كلها
مش هحل الغز اللى فوق ده ولو حد فهم حاجه وفهم قصدي ايه ليه عندي بونبونايه
وده سبب الرسالة اللى على الماسنجر اللى ماحدش فاهمها وعلشان ماحدش يخنقني تاني ويسألني
"لوليتاااااااااا نجمة مأنتكه "
يعني لوليتا نجم عالى ولا حد يقدر يشغلي بالي
طبعا وكالعاده ماحدش فاهم حاجة
رمضان ما بعد الفطار:
احم احم قبل الفطار تقى وورع وصلاة وصوم وغض بصر
بعد صلاة التراويح فوووووول ميكب واللبس لوحده كده بيضيق ويقصر
قبل الفطار قرآن وبرامج دينيه
بعد الصلاة اغاني ورقص للصبح
لا لا مش للصبح لحد التلت التاني من الليل
طبعا وكالعاده ماحدش فاهم حاجه
صلاة التراويح :
مش عارفه الناس مالها ومال صوباع رجلي الصغير
لازم طنطات الستات اللى فى المسجد يدوسو عليه
ياجماعه الراجل بيقول ساوو الصفوف القدم فى القدم مش رجلك على رجل لوليتا
طبعا وكالعاده ماحدش فاهم حاجه
لفيت على مساجد امبابه مسجد مسجد لحد اما لقيت مسجد نضيف وواسع والشيخ صوته حلو
ازمته الوحيده ان الاطفال المتشرده بتاخد ميدالية المفاتيح وانا بصلي يلعبو بيها
الراجل يادوب يقول استقيموا واستوو واعتدلو صلو صلاة مودع
والناس ماتعرفش ايه اللى جرالها تاخد المسجد ذهاب وعوده ولا كأنهم بيطوفو ولازم الشعب كله يقف تحت المروحة
لوليتا والتذاكر:
مااعرفش ايه حكايتي مع التيكتس "التذاكر يعني" مره واحده غلطت وقلت لعمو كومسري الاوتوبيس التيكيت بكام -طبعاً مش هقولكم كان ريأكشنه ايه حفظاً لماء الوجه- ومن ساعتها اتعلمت اقول تذكره
المهم حضرتي بقى بتحب تحتفظ بالتيكتس دي اوى مش عارفه ليه اى تيكيت لاى مناسبه وفي اى وقت
الموقف العجيب اللى حصلي من كام يوم
كنت راجعه من الكورس وركبت الاوتوبيس وقطعت التيكت
كنت لابسه شنطتي السوده ورميت فيها التيكت كالعاده فى الجيب اللى بره
مره واحده جه واحد بيقولي التذكره طبعا استوعبت بعد فتره انه عمو المفتش
فتحت السوسته وببص وكانت الطامة الكبرى
لقيت حوالى كمشكاشر تيكيت فى الشنطه وهذا رقم يصعق زي صاعق الناموس بالظبط
قلتله عمو معلش هو الاوتوبيس تذكرته بكام
بصلي وحسيت انه قرفان وقالى 2 جنيه قعدت ادور ادور ادور لحد مالقيت تذكره ب 2 جنيه
اديتهالو قلتله هي دي قالى لا التانيه لونها اخضر
رحت مطلعاله 10 تذكرات خضر ولسه هقلب فيهم
رحت لقيته بيزعقلي خلااااااااااااااااااااااااااااااااااااااص مش عايز تذاكر انا
صحيح ناقصات عقل ودين
مش عارفه ايه العلاقه يعني
لوست ان يور ايز :
مانا لوست فى الايز بجد واللى كان كان
الميوزك الرائع اللى فى البلوج
مش هشيله واللى يتغاظ يتغاظ
اساسا انا بدخل البلوج علشانه
عالم غريبه اوى فعلا يعني
صحابي الحلوين ايه رأيكم فى الميوزيك
هنضم لحركة كفايه قريب :
ياما كنت اتمنى قابلك ببتسامة
او بنظرة حب او كلمة ملامه
بس انا نسيت الأبتسام
زي ما نسيت الألام
والزمن بينسي حزني وفرحي ياما
الليل
ودقت الساعات تصحي الليل
الليل
وحرقة الأهات في عز الليل
وقسوة التنهيد
والوحده والتسهيد
لسه ما همش بعيد
وعايزنا نرجع زي زمان
قول للزمان ارجع يا زمان
وهات لي قلب لا داب ولا حب
ولا انجرح ولا شاف حرمان
بيني وبينك وهجر وغدر وجرح بقلبي داريته
بيني وبينك ليل وفراق وطريق انته اللي بديته
بيني وبينك ليل وفراق وطريق انته اللي بيدته
وليس لديا اقوال اخري
كفاية بجد تعبت بقى
يعني ايه يافندم مش فاهمه:
يعني ايه واحد يكون بيحب واحده والواحده دي ليها صاحبه انتيم وعارفه كل مواضيعهم سوا
يجي يتهبل مره ويقول للصديقه دي انا بحبك انتي وعايز اسيب صاحبتك ومش عارفه
يعني ايه واحده تحب واحد حتى شاكه انه ممكن صاحبتها تكون بتحبه
او ال15 يوم
شوية فضفضه لحسن كنت خلاص هفرقع بجد
وكنت هنزل بوست كئيب زياده عن اللزوم
قلت اهيس شوية وبعدين اكئبكم معايا
ماتنسوش الدعاء لي فى العشر الاواخر
كان معكم من امام الكي بورد
البونبوناية المسكرة
النجمة المأنتكة
الست لوليتا صاحبة البلوج
Sunday, September 14, 2008
باك تو يو اول الاول
وحشتوووووووووووووووووووووووووووووووووني من هنا لحد القطب الشمالي
بجد بجد ارتحت اوى من الاجازه اللى اخدتها من كل الناس دي بس كان ناقصني وجودي في وسطكم
وحشني دخول بلوج كل واحد منكم اتفرج وأتاثر ابكي معاكم واضحك معاكم وافرحلكم من قلبي
بس خلاص جيت اهو ومش هسيبكم تاني ان شاء الله
نرجع بقي للموضوع الأصلي اللى رجعالكم بيه
BaCK To SCHooL
حاسه ان الكلية وحشتني اوى خير الله اما اجعله خير
اه والله
اصل انا من الناس العبيطه دي اللى بتحب الدراسه ووجع القلب
بس بقى
ففي البيريك اللى اخدته كنت قاعده مع نفسي اتدبر كده واشوف ايه اللى ناقصني فى الكليه
علشان كل اللى فاضل سنتين ولازم استغلهم بقى
وبعدين نفسي اشوف تقدير امتباز ده بدل الجيد المرتفع
فسووووووووووووو بقى يعني هعمل ايه
طلعت فرمان من قصر الأميرة لوليتا ينص على الآتي:
1. هروح اشتري كشكول محاضرات على قد اما اقدر يكون متقسم 13 مادة عدد المواد اللى عندنا - رقم نحس اي نو-
2. هشتري اقلام كتير علشان اكتب بيها فى الكشكول
3. هنزل الكليه يوم السبت ان شاء الله رغم اني متأكده ان القسم اجازة بس غتاته وهروح اخد الجدول بقى
4. ناويه ابقى طالبه ملتزمه وعندها دم وبتذاكر
5. مش عارفه بقى بس ناويه والنية لله بقى اني اتلم واحضر محاضراتي حتي الدكاتره البارده بردو هحضرلها وأمري لله
6. الالتزام بكل الكلام اللى فوق
ههههههههههه والله انا لاسعة ودماغي فاضية
يلا اسيبكم بقى انا واروح اعمل اى حاجه
واستنوني في البوست الجاي إن شاء الله مع رمضانيات لوليتا
هحكيلكم بلاووووووووووووووووي
سلام سلام
Thursday, September 4, 2008
غياب طويل واعتقد انه سيغدو أطول
اريد أن ابتعد قليلاً .. لا أقول اني انسحب
ولكني ابحث عن فترة نقاهة
ولا أدري ثمة نقاهة افضل من هذا الشهر الكريم
سأبتعد قليلاً ربما حتي أواخر الشهر أو اكثر قليلاً
ولكن دوماً انتظروني سأعود يوماً حاملة معي قطع سُكر تكفي الجميع لتُحلي لكم جميع أيامكم إن شاء الله
أريد أن اتفرغ لنقاء روحي قليلاً بعد أن ملأها غبار الحياة وجعل رؤيتها شئ عسير عليَ
أني عائدة قريباً جداً إن شاء الله
بقلب جديد وقالب جديد
ولكن لي رجاء عندكم
ارجو منكم الدعاء ثم الدعاء ثم الدعاء
إن تذكرتم صاحبة هذه الكلمات ادعو لها كثيراً
دعاء بظهر الغيب في ساعة من ساعات الإجابة في رمضان
اترككم في رعاية الله
ولنا عودة بعد فاصل غير مُسمى :)
استودعكم الله الذي لا تضيع ودائعه
Thursday, August 21, 2008
كان نفسي ابعد لحد ما رمضان يخلص
بس بما انه اتحدف عليا تاجين مره واحده كده
فقولت يلا نرد عليهم علشان اصحابهم مش يزعلو
نبتدي من غير رغي كتير
الأول
من مدونه شيفا
1- اذكر 5 احلام على الأقل تخص ماضيك وتحلم فيها بتغيير اشياء ماذا ستعدل وماذا ستغير ؟
السؤال فيه حاجه تخض هههههه
طيب نقول
1) كان نفسي خالص ادخل كلية اعلام والحمد لله على كل شئ مااتحققش الحلم.
2) كان نفسي اطلع اعلاميه ناجحه او بمعنى ادق "صحفية" وممااعتقدش اني هبعد عن الحلم ده كتير لاني ناويه احققه مهما طال الزمن ان شاء الله.
3) كان نفسي اول اما دخلت كلية "الالسن" اني اطلع دايما من اوائل الدفعة علشان اتعين معيدة ---> صحيح الحلم ده اختفي تحت الثرى بس مع الايام اتأكدت اني ماكنتش هفلح في الشغلانه دي فالحمد لله على كل شئ.
4) كان نفسي اعيش في زمن التحول من الملكية للجمهورية فى مصر يعني فترة ما بين فاروق وعبد الناصر والسادات ليه بقى لحد فترة قريبه كان سبب واحد ان البنات كانت رقيقة اوى الفتره دي حتى فى لبسها وكانو عساسيل اوي
بس لما كبرت شويه لقيت ان فى سبب تاني كان بيشدني للفتره دي من التاريخ وهي ان الشباب كان عنده وعي جامد فى الوقت ده وكان ليه دور في البلد مهما كان الدور ده وكان في اهتمام بتثقيف الشباب و ......... حاجات تانيه مش هقولها علشان اانا مش بتكلم فى السياسه.
5) احم احم ... كان نفسي اتعرف على شاب ملتزم رومانسي طيب ابن حلال كويس في كل الصفات تقريباً بس للاسف مش هلاقيه- ويكون فيه صفات من مصطفى حسني-.
2- اذكر 5 احلام على الاقل تخص مستقبلك؟
1) اول حلم اني اقرب من ربنا اكتر بكتير، اروح احج انا وأمي وبابا واحمد اخويا واسماء انتيمتي وابن الحلال، واني الاقي مشروع فكرته خير كده زي بنك الطعام مثلا بس يكون هادف لاني اشغل كل الشباب اللى متلقحين على النت كافيه.
2) نفسي اخلص الكليه على خير ان شاء الله وبعد كده يجيلي منحة اني اكمل دراستي في اسبانيا واشتغل في السفارة بتاعتنا هناك وبعد كام سنه كده اوصل لاني ابقى الملحق الثقافي المصري فى اسبانيا - الحلم ده قلته في التاج اللى فات بنرغي كتير ليه -.
3) نفسي ربنا يرزقني بالزوج الصالح والذريه الصالحة.
4) نفسي اسافر الدنيا كلها الف واعرف واتعلم اكتر واكتر بس مااسبش مصر ابداااااااااااااااااااااااا .
5) نفسي شباب الأمه تصحى وتفوق وتشوف هي رايحه لفين ومااقصدش المصريين بس اقصد كل مسلمين الدنيا بجد بجد قربنا نضيع اعملو بكلمة " والخير في امتي إلي يوم الدين ".
6) لحسن الحلم ده واقف في زوري فوقي يا مـــــــــصـــــــــــــــــــر من اللى انتي فيه بقى.
3- اذكر شخصين على الاقل متواجدين في حياتك حالياً .... كنت تود وجودهم قبل الآن بزمن؟
اولاً: لوليتاااااا ودي مش شخص دي شخصيه بمعني ان دي جزء كان مختفي في شخصيتي ماعرفتهوش غير من سنتين تقريباً بس كان نفسي اعرفه من فتره طويله اوى كان هيفرق كتير في حياتي هو ده الجزء اللى مخليني عايشه وقادره اتغلب على اى حاجه جزء قوى بيحب الدنيا بجد ونفسه يبقى صح .
ثانياً: كل اصدقائي وصديقاتي من الثانوي والكليه والنت والبلوجز ومنتدانا العزيز لان ماابتدتش اكون صدقات بمعني غير من اولي ثانوي وكان نفسي اعرفهم من زمان .
4- اذكر شخصين على الأقل غير متواجدين في حياتك حالياً ... كنت تود وجودهم الآن او في حياة اولادك مستقبلاً؟
مش حد معين بس اقدر اقول نفسي يكون في حياتي وفي حياة اولادي مستقبلاً حد يكون بيعرف ربنا ويقدر يوقفنا لو بنعمل حاجه غلط ويقدر يكافئنا ويقولنا جو اووووووووون لو بنعمل حاجه صح
5- لمن تهدي هذا التاج ؟؟؟؟؟
ويييييييي جينا للسؤال الجد
اولاً المفتريه اوريجينال هارت
هخلصه فيكي "امشون شرير"
دكتور جاد ومدونة أهو اي كلام
بطوط حبوب
وهمهمات صمت المهاجره
وبيرلينا مدونة لؤلؤة مصريه
كفايه كده ندبس اخرين في التاج التاني
التاج التاني
المفتريه اوريجينال هااااااااارت
اولا لك يوم يا ظالم
وبسرعه بسرعه علشان البوست طول اووووووووووووى
1- مين اللذي دبسك في هذا الواجب ؟
المفتريه اوريجينال هارت
2- اذكر القوانين المتعلقه بالواجب؟
اعضها اول اما اشوفها في الكليه ان شاء الله
هسامحك بس علشان كنتي سبب اني اكل بيتزا
3- اذكر سته اسرار قد لا يكتشفها من يقابلك اول مره ؟
1) اني احيانا بكون عاقله
2) اني فعلا من جوايا رومانسيه وحساسه
3) بعرف ابتسم ودمي خفيف
4) زعلي وحش اوى
5) مش بنسى بسرعه "صحيح بنسي الاسامي والاشكال والحاجات دي بس ولا بنسى الآساءة ولا الاحسان"
6) اني موديه جدااااااااااااا
7) مش مغروره والحمد لله مع ان مافيش حد شافني من اول مره الا اما قال العكس بس مع الوقت بيغيرو رأيهم
8) صاحبه جدعه جدا وقت اما الموضوع يطلب جدعنه
8 اهو مش 6 بس
4- اذكر 16 صفة عن نفسك ؟
ربنا ع الظالم والمفتري 16 يا قوية
1) رومانسيه الى حد ما
2) مسالمة في حدود
3) صاحبه جدعه مع اى حد في وقت الجد
4) اوقات بميل للهدوء
5) مش نكديه
6) بحافظ على الاسرار
دي الحاجات الكويسه نيجي للوحش بقى
7) بيقولو عصبيه
8) عنيده
9) مش بعدي حاجه لحد جرحني
10) مابعرفش اسامح بسهولة
11) متسرعه ومش بفكر كتير قبل اما اخد قرار
12) جريئه وده بيخلي الناس تفهمني غلط خالص
13) برد الجرح جرحين
14) مابعرفش اسكت على غلط ولساني مش بيهمد علشان كده ماليش صحاب كتير
15) مابحبش حد يطلع على قفايا " ليلته سوده اللى يفكر ينسب حاجتي لنفسه او ياخد مجهودي"
16) بيقولو عليا مجنونه ولمضه بس انا مش شايفه كده خالص!!! "انتو ايه رأيكم"
5- مرر هذا الواجب ل6 مدونين
اممممممممممم تمام تمام
blue wave كلام من القلب
عروس البحر
sister of the moon
حسن حنفي ... شيفا
كلام وخلاص
وكفاية 5 مش عايزه الناس تكرهني
Saturday, August 9, 2008
عاملين ايه
مش كويسين كده والحمد لله
طيب ماشي
هحكيلكم حدوته لوليتا يوم الخميس
بس الأول في مقدمة صغنتوته
من اول الأجازه وكلنا حاسين انها اجازه بس لحرق الدم
من اول الاجازه وانا قاعده في بيتنا
ومش لاقيه حاجه اعملها
كنت مقرره ايام الامتحانات حاجات كتير اووووووووى
بس ولا حاجه منهم عرفت اعملها
والله العيب مش فيا
بس الظروف ماكانتش زحمه
وكل اما اوضب حاجه ترجع تبوظ
لدرجة اني خلاص كنت اتخنقت من نفسويتي وكنت عايزه اكهربني وارتاح مني
بعد الشر عليكي يا لوليتا يا عسل
المهم بقى اني قررت الاسبوع اللى فات اني هضرب بالظروف عرض الحائط علشان كنت بجد بجد على اخري وكنت قربت ارتكب جنايه
قضيت الاسبوع كله نزول بظبط نفسي واعمل شوبنج
رغم اني بكره البتاع ده بس قولت يلا اعيش دور البنانيت
واخر الاسبوع قلت هعملي مفاجأةاخدتني ونزلت روحت عزمتني بره على الغدا والعشا
وبعد العشا حضرت حفلة ساقية الصاوي بتاع ام كلثوم
بجد اليوم كان تحفه اوي صحيح رجعت هلكانه بس كانت خروجه تستاهلوانا راجعه بقى اصلا اخدتها مشي
قولت اكمل اليوم
فجيت من اخر شارعنا من الناحية البعيده خالص
ابص اتصدم والاقي فرح سادد الشارع كله من اوله لاخره ولو عايزه تعدي طيري
فلازم اني الف حوالين البيت علشان اوصل
قلت ماشي نلف مش مشكله بجملة المشاوير يعني هي جت على دي
وانا بلف في شارع كده بيطلع بردو على الفرح
فلقيت زحمه كبيره وانا معديه شباب كتير واقفين وصوت طبلة وبيتفرجو ويصقفو
مافيش صوره توضح علشان الرقابة
وانا ماشيه الاقيه رقاص مش رقاصه
هو انا صحيح بقيت اشوف المنظر ده في الشارع كتير بس مش للدرجه دي
ماشي طنشت
جايه من الناحية التانيه بقى لقيت اوبن بوفيه
قولت هييييييييه هاكل لحسن تعبت من كتر المشي
واكيد الفرح مش بتاع حد غريب يعني طالما تحت البيت
طبعاً ده مش شكله بس يلا اجوعكم وخلاص
وبضرب عيني الناحيه التانيه الاقي ايه
احلي رصه لدرينكز
جاتكم خيبه مش عرفينه
ده محل بيبيع ولاموأخده منكر بس بحب اتفرج على شكل الأزايز عنده
وكل الازايز اللى عنده مرصوصه ع الترابيزات
قلت يابت انتي العاقله
دول ازايز زيت زتون بس انتي مش فاهمه
واقنعت نفسي وسكتت
وبعدين شكل الازايز مش غريب عليا
دي واضحه وضوح الزلابيايه في طبق البتنجان المخلل
قلت يابت طنشي خالص هو يعني كان حد عزم عليكي
استغفر الله العظيم انتي اصلا بكبيرك كوباية عصي قصب
بس خلاص
اه نسيت
وانا داخله الشارع بردو لقيت شبوره دخان كده مغلفه الشارع كله
بضرب عيني تحت شباك اوضتي كده الاقي الناس عماله تشرب سجاير
طبعاً المنظر ماكانش يستحمل اني اقف اكتر من كده
هو انا لحد دلوةوقتي مش عارفه ده كان فرح ولا افتتاح غرزه
ناهيكم عن منظر البنات والشباب اللى لو فتحت فيه هحكيلي يومين
خليني ساكته احسن
نيجي بقى للدروس المستفاده :
1 - ماتخرجش من بيتك يوم الخميس
اه صحيح نسيت اقولكم
وانا طالعه ع السلم لقيت حد بيقولي عقبالك وعقبال ليلتك لما تلمينا حواليكي
انا ماكنتش عارفه مين اصلا بيتكلم
بس كنت عايزه اولع فيه
يعني انا قاعده من غير جواز يوم اما اتجوز اعمل فرح زي ده
Monday, August 4, 2008
original heart
اللى ربنا يسامحها بقى صاحبة مدونة المضروبة فى قلبها ههههه
قصدي اللي بتتكلم من قلبها
وبما اني في حالة تجلي كده الحمد لله
وعلى غير العادة عقبال عندكم رايقه
والحمد لله
ومافيش عيال فى الشارع عاملين دوشه
وقاعده بعد النجوم واسمع الست ام كلثوم وهي بتغني
فقولت ايه بقي
العب واشوف واجرب حكايه التاج دي
اصلها اول مره بصراحه
ومش عارفه النظام ايه
فقلت مااكسرش بخاطر البُنية واعملها اللى هي عايزاه
اصلنا زمايل كوريدور واحد بقى وكده
بس خلاص نبطل رغي ونبتدي
احم احم
واحد اتنين تلاته كارولين كاروليته
قصدي واحد اتنين تلاته من لوليتا الى باقى البشريه
اسمعو مصر وهي تتحدث عن نفسها
يووووووووووه بقى قصدي لوليتا وهي تتحدث عن نفسها
كل واحد يتسلطن كده ويمسك مج الكابتشينو ويفتح ام كلثوم ويقعد يستجم ويقرى
ولو في اطفال يرميهم من الشباك
بسم الله الرحمن الرحيم
أعطيتك ثلاث وردات .. من هم الثلاث أشخاص اللى هتهديهم الورد اللى معاك ؟؟
الأولي --> أمي الله يخليهالي بجد الست دي تعبت معايا اوي اوي
أي نعم اني احيانا ببقي ندلة وبزعلها وبعمل نفسي مش واخده بالي بس بحبها اوى ربنا يخليها ليا
الثانيه --> أسماء اختي وصاحبتي ونصي التاني ربنا يرجعهالي بالسلامة يارب وههديها لاتنين صحابي بعتبرهم بجد اخواتي الكبار لاني مش عندي اخ اكبر مني ولأحمد اخويا ولأي حد بيحبني
الثالثة بقي --> لأبن الحلال إلهي يجي بقي لحسن قربت ازهق لما ييجي بالسلامه منين مااعرفش هيلاقيني شايلاهالو
بس خلاص علشا انا بتكسف
لو أعطيتك ورقة بيها 3 سطور فقط و قلت لك أكتب فيهم اللى أنت عايزه هتكتب إيه ؟؟
تلت سطور بس انا محتاجه كشكول 200 صفحة
بس نقول
السطر الاول --> عايزه كل الناس اللى غلطت في حقهم ف يوم يسامحوني
السطر الثاني --> مستنيه فارس احلامي مهما اتأخر مش هيأس
السطر الثالث --> ما أحلم الله عني حيث أمهلني .... وقد تماديت في ذنبي ويسترني تمرُّ ساعات أيامي بلا ندم .... ولا بكاء ولا خوفٍ ولا حَزَنِ
ما هو هدفك فى الحياة ؟
بعيييييييييييد اوى
هقول طبعا الحاجات الاساسية يعني ربنا خلقني علشان اعبده يبقى لازم اعبده
وكمان نفسي التزم شويه اكتر من كده وابقى ابنه باره
اما هدفي بقي اني اخلص الكلية ان شاء الله واسافر اكمل دراستي في اسبانيا او الارجنتين وارجع بعد الماستر والدكتوراه افتح مكتب ترجمه محندق كده واشتغل فى الخارجيه او السفاره لحد بعد 20 سنه كده ان شاء الله او اكتر شويه اكون الملحق الثقافي المصري في اسبانيا
لحد اما يبقى عمرى 50 سنه اسيب الدنيا كلها انا وجوزي حبيبي ونلف الدنيا سوا ونعيش رومانسية ماحدش عاشها ابدا وده بعد اما نكون كبرنا ولادنا وعلمناهم وخلناهم ذرية صالحة ان شاء الله
إن شاء الله بكرة هيكون أحسن من النهاردة "هل تصدق هذه المقولة ولماذا؟؟
اكيييييييييييييييييييييييييييييييييييييييييييييييييييييييد
لأني شوفت في حياتي كتير بجد مايجيش على ال18 سنه واتحرمت من حاجات كتير مش من حق حد يحرمني منها فشايفة اني بكره ان شاء الله هعوض ده كله او بمعني اصح ربنا هيعوضني عن ده كله فلازم بكره يبقى احلى
أجمل مقولة سمعتها فى حياتك ؟؟
حاجات كتير اوى
منها ان كل احلامنا ممكن تبقى حقيقه لو كان عندنا القوة اننا ندعمها
وكمان مقوله كنت قريتها في رواية من فتره بتقول " في السماء نجوم يرصد بعضها بعضاً، وقد تتواري أوتحتجب ولكنها لا تتناكر أو تفترق. لوعلى الأرض أقدار قد تختفي عن بعضها شهوراً وأعواماً، ولكنها تعود حتماً فتلتقي،مهما حارت ودارت،فهي تتربص ببعضها رغماً عنها، إذ كتب عليها اللقاء منذ الأزل."
من المغنى اللى بتحبه أوى ؟؟
كتير اولهم طبعا نجاة الصغيرة
بعد كده ام كلثوم وفيروز وشادية وعبد الحليم وعبد الوهاب وعبد المطلب وفريد الأطرش - طبعاً بتقولو ايه المجنونه بتاعت ايام الهكسوس دي هههههه-
من الجديد بحب منير وكاظم وشيرين واليسا وخالد سليم وجنات وحسام حبيب
و brayn adams , frank senatra, elives presli, mandy moor
اند سو أون بقى كتير بجد
و إيه أحلى أغنية بتحبها ؟؟
برضو كتير اوووووووى
نقدر نقول اكتر حاجه هي اوقات محمد فؤاد واديش كان في ناس فيروز
و love story, together we are one, yesterday once more, only hope, i finally found someone
غزة " تمثل لك إيه فى حياتك ؟؟
آه مكتومة مش قادره تطلع
ألم في قلبي
وقلم على وشوشنا كلنا
وكفايا بقى علشان انا مش بتكلم في السياسة
أعطى لإنتمائك لوطنك درجة من مائة ؟؟
97% مصر دي بجد غالية عليا اوى اوى اوى وبحبها جدا وبتمنالها تفوق بسرعه من اللى هي فيه وماتتوهناش في الدنيا
ونفسي كل مصري يفصل بين البلد والحكومة بلدنا فيها الخير كفايه انها اتذكرت مع السلم والأمان " ادخلوها بسلام امنين"
وبردو كفايه كده علشان مابتكلمش في السياسة
لو تزوجت و أنجبت بنتين و ولدين أى الأسماء تختار لهم؟؟
والله هاتو العريس ومش هنختلف بجد يعني
بس عامة الولاد بحب الأسامي دي : إياد و زياد و ايهاب وحسام
والبنات : نور و سلسبيل وملك
عمرك غشيت في امتحان وانت صغير؟؟
لا والله ولا وانا كبيره علشان دايماً بقول طب وهو انا لما اقف قدام ربنا ويقولي غشيتي ليه هقوله علشان كنت عايزه نص درجه زيادة ابيع ديني ومبادئي علشان كام درجة ودايماً لما كنت بتسأل ليه كان الرد بسيط اوى علشان اللى انا ماغشتش علشان هو قالي كده قادر بقدرته انه يخليني اجيب امتياز برحمته
لو أتعرض عليك رشوة كبيرة و انت فى زنقة مالية هتعمل إيه؟
هي كبيرة اوي يعني ههههههههه
بالظبط اللى ممكن يخليني انجح علشان ماغشتش قادر انه يفك زنقتي علشان رفضت الرشوة
قول 3 صفات ب 3 كلمات بس توصف بيهم شخصيتك؟
صاحبة جدعة
متقلبة
رومانسية
ولو ادتوني واحد زياده هبقى مابحبش حد يضحك عليا ولا اضحك على حد
صفة عايزها في شريك حياتك؟
هو يجي الأول بعد كده نتصرف ههههههه
بس اهم حاجه انه يكون بيحترمني ويحترم مشاعري ويخاف عليا مش عايزه اكتر من كده
-طبعا العربيه والفيلا أمر مفروغ منه هههههههه-
ايه المجال اللى غير دراستك وشايف نفسك فيه قوي؟؟
إعلامية - وكان الله بالسر عليم-
بتحب السفر ؟؟
شوووووووور انا اصلا عايزه اتجوز علشان اسافر براحتي لحسن اهلي حتي مش عايزني اسافر لحد ترعة بلدنا
طب دلوقتى حالا ايه المكان اللى نفسك تكون فيه ؟
جزيرة في وسط البحر والمطره بتمطر وانا بسمع ام كلثوم وابن الحلال اللى ماحناش عارفينله طريق ده قاعد بيقولي كلام حلو
تمرر التاج ده لمين ؟؟
مش عارفه تقريبا كل صحابي عملوه قبل كده
يادي التدبيسه يا اوريجينال انتي
ممكن نقول
فلاور ويسبر ... ريهام العربي
و
شادي بتاع كوكب الارض
لحد اما اشوفهم عملوه قبل كده ولا لأ
Wednesday, July 2, 2008
كان هذا اول يوم نتكلم سوياً وحدنا، دون احدً من اصدقائنا يستمع الحديث. انه صديق لمجموعة من اصدقائى، ولسنا نمن الأصدقاء المقربين. فأنا اعرفه منذ ما لا يزيد عن ستة اشهر، ولا تخلو حوارتنا من الشجار ليس ليسبب معين ولكنها مشاجرات عخفيفه تعكس انه ليس بيننا شئ يزيد عن احترام لا ينم عن معرفة قوية.
ولكن هذا اليوم رأيته عن بعد، لم أكن اتوقع إنه سيأتى او إنه سيعرفنى دون وجود اصدقائي. وإن عرفنى فسوف يكتفي بأبتسامة من بعيد. ولكنه جاء ليصافحنى ويتحدث معي. سرنا سوياً حيث كنت ذاهبة ثم تواقفنا وتجاذبنا اطراف الحديث فى اشياء سطحية جداً. وبعدها ذهب كل منا إلى طريقه.
أما عن الغريب فى هذا اللقاء اننا لم نتشاجر كعادتنا. هذا اللقاء كان مختلف تماماص عن العشر مرات التى مرت من قبل. فقد عامل كلانا الأخر كأننا من الأصدقاء المقربون.
صمتت صديقتى قليلاً ثم قلت لأستحثها على معاودة الكلام،- فمن خلال معرفتى بها اعرف ان هذا ليس كل ما تريد قوله-:
- وماذا بعد؟
ردت وهى شارده:
- لا شئ ذهب كل منا فى طريقه وانتهى.
وبعد فترة اخرى من الصمت قالت:
-لم افكر به بعدها فقد انشغلت بعملي وانشغلت مع اصدقائى فنسيت، لم يأتِ ببالى مرة اخرى
وعادت إلى الصمت ثانيةً
ثم اطرقت وقالت:
- ولكن ...
بادرتها قائلةً:
- ها ... لكن ماذا ؟
قالت لي:
- عندما عُدت إلي منزلي ، لم افكر به، ومر يومي شبه عادى ...الي أن ذهبت الي النوم ...
قلت لها:
- وماذا؟؟ أجائكم بالبيت ؟؟؟
نظرت الي بأستخفاف قائلة:
- نعم جائني ةلكن ليس فى البيت ، بل جائنى فى الحُلم.
قلت لها:
- وما الغريب فى ذلك فقد جائك فى احلامك لأن عقلك الباطن ظل يفكر فيه طيلة اليوم.
نظرت لي وقالت:
- حقاُ..
ولكني لم اكن افكر به
فهو ليس بالشخص الذي يشغل بالي
قلت لها:
- وهل كان فى الحلم شئ غريب؟
قالت لي:
- نعم غريب جداً!!!
نعم فقد رأيته في حُلمي وكأنه شخص اخر ... تبدلت كل الصفات التى لا احبها فى الي اخرى كاللتى انشدها
فقد تغيرت طريقة ملبسه وحديثه حتى انه كان يستمع الي اغنية احبها كثيراً وانا على يقين بأنه لا يحب تلك الأشياء
نظرت لها وانا لا أدري ما ترمي اليه قائلة:
- هذا ايضاً ليس بالغريب ففى احلامنا ينحسر المنطق ويترك العنان لعقلنا الباطن كى يرسم صوره التى يريدها
نظرت لي وكأنها تريد ان تقول لي "اخرسي"
ثم قالت:
هناك شئ اخر أرى انه لن يكن لديك تبريره ...
لقد قال لى أحبك
نظرت لها وعلى وجهي جميع قسمات الأندهاش
فقلت لها:
عندما تقابلتم صباحاً؟؟
قالت لي وقد حنق وجهها:
- انتى غبيه؟؟
قالها فى الحلم
لم اجد ما ارد به عليها فأثرت الصمت
ثم قالت لي:
- انطقي
ما معنى ذلك الحُلم؟
سألتها:
- وهل تحبيه؟
جاوبتنى فى انفعال واضح:
- لا طبعاً
ليس بالشخص الذي قد يجذب انتباهي
ثم كيف لي ان احبه فهذه اول مرة نتقابل بها بمفردنا وهي لم تتجاوز الدقيقتين
ثم فاجأتني بسؤال:
- تفتكري انه بيحبنى علشان كده طلعلى بالحلم وقاللى اللى ماقدرش يقوله الصبح؟؟؟؟؟؟؟
ليا حق افرقع ولا لأ !!!!
Friday, May 23, 2008
وحشنى البلوج اوووووووووووووووووى
وفى دماغى افكار كتييييييييييير اووووووى
بس مشغووووووووووله اووووووووووى
الامتحانات قضت عليا خلاص
وتعبانه خالص مالص
قلت ادخل ع النت اشوف صحابى اللى ماحدش فيهم كلف نفسه بميسد ع الموبايل عالم اقول عليها ايه بس
يلا انى واى
انا دخلت اعبر عن نفسويتى شويتين واانا بحاول انى اذاكر
دى انا وانا بذاكر ههههههه
نضارتى اتكسرت
قرف يقرف الامتحانات بلا هم
ودى انا وانا بنقل القواميس علشان اقوم من ع المكتب علشان اذاكر ع السرير 
وده مش عارفه مين اصلى مش بذاكر فى كتابين بس انا بذاكر فى 32562803952197 كتاب مع بعض
واخيرا
مافيش مذاكره من غير كابتشينو
بقيت اشرب كافايين كتير مووووووووووت
__________________________
يلا بقى هقوم اذاكر علشان عندى ماده غبيه
لنا عودة يوم 6/11
يارب ارجع بس
لو حد دخل هنا من غير اما يدعيلى اخلص الامتحانات على خير هدعى عليه يتكهرب وهو مااسك الماوس
سى يو قريب
Monday, May 5, 2008
يوم من ايام ما قبل الامتحانات . تتزايد دوماً حالة الرعب بداخلى فى مثل تلك الأيام . بعد
صلاة الفجر بدأت حلقة من مسلسل رعب غريب . اجبرتنى الجلسة مع اخى الصغير ان اشاهد ثلاثة افلام
رعب واكشن وانا لا اكره فى حياتى مثل هذه الافلام الساقطه . كنت جالسة استذكر بعض من دروسى .
واحسست بغباء شديد لم اعهدة فىُ من قبل . فخطرت ببالى فكرة بأن اخرج لاستكمال المذاكرة فى الحجرة
الخارجية بجوار التلفزيون . وأنا احول المؤشر عن تلك القناة اللعينة , لمحت مشهد اخر من تلك
المشاهد السيئة مشاهد العرب الدموى ولأكون دقيقة – كان احد الوحوش يأكل احد ابطال الفيلم –
. جلست وحدى وكل من بالشقة نائمون . وأذ بى اسمع فجأة ... صوت عالى فى البداية خيل الى ان هذا
الصوت لهو بكاء طفل صغير . فذهبت لأرى ما يدور بخارج الباب – طبيعى انى رأيت من خلف العدسة
السحرية – وهذا لانى شديدة الجبن فى مثل هذة الاوقات . ولكنى لم أر شئ . وايضاً كان شئ بيدهى انه
ليس بكاء طفل . فما الذى سيجئ بطفل صغير امام باب شقتنا فى مثل هذة الساعة . هدأ الصوت
قليلاً بدرجة كافية لتعود الى طمأنه قلبى وأذهب لاكمل ما كنت افعله .
بعد ذلك وبعدما كنت قد اندمجت فى مذاكرتى سمعت عواء قطة عالى , قلت لنفسى – حسبى اللة ونعم
الوكيل - . يعلم الله كم اكره تلك القطط اللعينة الغادرة . وأستكملت ما كنت فيه – يظهر ان
دى اخرة اللى يذاكر - . وبعد وقت ليس بالكثير عادت تلك القطة المستفذه فى العويل مرة اخرى
ولكن بدا صوتها اشبة بطفل يستغيث من خطر يداهمة . تعالى مع صيحاتها صوت اخر حسبته فى البداية
– سحقاً تلك الافلام البذيئه جعلتنى مجنونه – حسبتها صوت ذئب . ما الذى جاء بذئب أمام باب
شقتنا فى الدور الرابع بعمارة غالباً ما تكون ابوابها مغلقة فى حى شعبى هكذا – لا أعلم - .
بعد محاولات مضنية لأستجماع شجاعتى , وقفت مرة اخرى على قدمى التى لم تكن على استطاعة بأن تحملنى
من ذلك الرعب وقفت مرة اخرى استرق السمع لما يحدث و ار ما يحدث فى تلك المعركة – معركة الطفل
والذئب- . وحينما كنت ابدأ فى الوقوف على اطراف قدمى لأرى من العدسة السحرية داهمتنى بطشة
قويه على الباب كنت على اثرها فى طريقى الى السقوط على الارض مغشياً على . ولكنى حالوت مرة
اخرى جاهدة لاضع حد لتلك المأساة . ففوجئت بقطتان ... – حسبى الله ونعم الوكيل تانى – احدهما
قطة حقيرة من قطط الشارع المشرده , ارتبط معى مظهرها بتلك القطة التى جعلتنى ابكى يوماً وانا
ذاهبة الى الكلية – ففاجأتنى تلك القذرة على سلم البيت وصرخت بوجهى وكانت الكهرباء مقطوعة
عن ذلك الطابق فاصابتنى برعب استمر معى يومان _ . تلك القطة لن تكف عن الأذى واللعب
بأعصابى فقلت – يارب تاكلها وانا مالى - . والاخرة قطة ارتسمت على وجهها علمات الشر سوداء –
منكوشة الشعر-. وتحاول الصغيرة ان تستجدى احداً بصوتها وأناتها ليبعد تلك الجبارة عن طريقها –
قلت لنفسى ذنب ناس بتخلصة قطط –. ولكن هيهات من ذا الذى سيستيقظ لينقذك ايتها البائسة
الساعة السادسة فجرا . رغم هذا فتمنيت من الله ان يستسقظ احد فى تلك اللحظة ليبعد القطتان
من على بابنا لا شقفة بأحدهن ولكن رحمة بقلبى الذى لم يعد قادراً على الاستماع تلتك الاصوات
اكثر من ذلك .
وبعدها بدأ الاثنتين فى الصراع مرة اخرى . والصغيرة تخرج اصوات كأنين الطفل الذى ضلت امه طريقه
فى ليلة قارصة البرودة تحيط به المهاول من كل مكان . والأخرى ترد عليها بنبرة بها تحدى شرس كأنة
صوت الريح القارصة .
لم اعرف ما حدث بعد ذلك ولا كيف انتهت تلك المأساة ولا كم من الوقت استغرقت ولا اعرف كيف
انتهى بى الحال جالسة خلف باب شقتنا ابكى بكاء حار لا اعرف له سبب . ولكنى فقت بعد فترة وقت
حمداً لله على كل شئ وحمداً لله اننى لم اكن قطة بائسة .
____________________
الصور اللى ف البوست ده بايخه بجد بس فعلا ارحم من القطط اللى انا شفتها :S
Saturday, August 18, 2007
من العسيرأن تجد فى هذا الزمان المادى بكل جوانحه انسان يحبك لا لشئ سوى لانك انت
انسان قد لا تبالغ إن قلت أنه يأثرك على ذاته
لا ترسم خرافات إن قلت أنه يشعر بك قبل كلامك
يفكر كما تفكر
يشعر كما تشعر
ينطق بكلماتك قبل ان تخرج من صدرك
أرانى اليوم سعيده الحظ لانى وجدت ذلك الانسان
لم يكن هذا الشخص هو فارس احلامى
بل هو اقصد هى
فتاة
فتاة وهبتنى اكثر مما تمنيت
اظلمها ان قلت أنها بمثابه اختى
اقلل من شأنها ان قلت انها بمثابة صديقتى
بل وكل ما اقدر ان اوصفها به
انها ذاتى
واكثر من ذاتى
حقا تلك الفتاه هى التى وقفت جوارى فى كل لحظات حياتى
اختى ... صديقة عمرى ... الانسانه الوحيده التى احبتنى ...
لا اعرف ماذا اقول
فقط اردت ان اقول انى احبها اكثر من ذاتى
__________________
بجد كل يوم بتاكد انك اجمل هديه من ربنا
Sunday, April 1, 2007
هل جربت ان يكون لك حبيب؟؟
هل جربت ان يكون الصديق هو الحبيب؟؟
ماذا لو خانك صديقك؟؟
ماذا لو خانك حبيبك؟؟
ماذا لو خانك حبيبك مع صديقك؟؟
انها الطامه الكبرى
ماذا ستفعل؟؟؟
ستعيش حياتك على اطلال حبيب خائن وصديق لا يستاهل هذه الصداقه؟؟؟
هل هذا عقل؟؟
من خانك تعش حياتك تندم عليه وعلى انه ضاع من يديك؟؟؟
الا تعرف ان هذا من حسن حظك؟؟؟
نعم يجب ان تغير تجهمك هذا وتعش الحياه بصدر رحب
ولتعرف ان هذا هو دليل على حب الله لك
ان لم يكن يحبك كان ليتركك تعش حياتك مع من لا يستحق اخلاصك
فلا تندم وتيأس
عش حياتك الجديده بدون خيانه
عش حياتك وابحث عن من يستحق حبك
يمكن ان يكون امامك ولا تشعر به لانك مسجون فى سجن الاطلال
فى سجن عيون خائنه
مهما كانت ساحره
لتعرف ان نصيبك بمكان اخر
ابحث عن ذاتك
ابحث عن حب صادق
ومحب صادق
وصديق صادق
No I No You JUST I LoVe YoU
NOW ........
I CAN SEE
LOOK !!!!!!
DO YOU SEE?????
YES,,,, YOU ARE RIGHT
I AND YOU ARE THERE
IN THIS DARK PLACE
WE DANCE ON SLOW SONG
ARE YOU HEAR????
YES OUR PULSES
IT'S PLAY THE SAME SONG
IT'S SAYS
" I LOVE YOU
IN THIS FAR STAR
I JUST WANNA TO BE TOGEATHER
CLOSE YOUR EYES
FELL WITH YOUR HEART
JUST FEEL MY LOVE
TOUCH MY LOVE
SEE MY LAPS!!!!!!
IT SAYS I JUST 4 YOU"
Falling hearts Here
