بيتي الثاني .. برتاح هناك
Saturday, September 20, 2008
نسكافيه بلاك
Vs
كابتشينو من ابو رغاوي
طبعا وكالعاده ماحدش فاهم حاجه
كوبري قصر النيل بالليل والدنيا ضلمة مع حد بحبه Vs كوبري الجلاء وقت الغروب وحدي وماحدش يعمل دوشه
طبعا وكالعادة ماحدش فاهم حاجه
ومن ده كتير
ههههههههههههههه
ماتخافوش لوليتا لسه بعقلها
بس في حالة اذبهلال شويه من كذا موقف حصلولي ورا بعض حسيت فيهم اني دماااااااااااااغ وبعيده عن الدنيا دي كلها
مش هحل الغز اللى فوق ده ولو حد فهم حاجه وفهم قصدي ايه ليه عندي بونبونايه
وده سبب الرسالة اللى على الماسنجر اللى ماحدش فاهمها وعلشان ماحدش يخنقني تاني ويسألني
"لوليتاااااااااا نجمة مأنتكه "
يعني لوليتا نجم عالى ولا حد يقدر يشغلي بالي
طبعا وكالعاده ماحدش فاهم حاجة
رمضان ما بعد الفطار:
احم احم قبل الفطار تقى وورع وصلاة وصوم وغض بصر
بعد صلاة التراويح فوووووول ميكب واللبس لوحده كده بيضيق ويقصر
قبل الفطار قرآن وبرامج دينيه
بعد الصلاة اغاني ورقص للصبح
لا لا مش للصبح لحد التلت التاني من الليل
طبعا وكالعاده ماحدش فاهم حاجه
صلاة التراويح :
مش عارفه الناس مالها ومال صوباع رجلي الصغير
لازم طنطات الستات اللى فى المسجد يدوسو عليه
ياجماعه الراجل بيقول ساوو الصفوف القدم فى القدم مش رجلك على رجل لوليتا
طبعا وكالعاده ماحدش فاهم حاجه
لفيت على مساجد امبابه مسجد مسجد لحد اما لقيت مسجد نضيف وواسع والشيخ صوته حلو
ازمته الوحيده ان الاطفال المتشرده بتاخد ميدالية المفاتيح وانا بصلي يلعبو بيها
الراجل يادوب يقول استقيموا واستوو واعتدلو صلو صلاة مودع
والناس ماتعرفش ايه اللى جرالها تاخد المسجد ذهاب وعوده ولا كأنهم بيطوفو ولازم الشعب كله يقف تحت المروحة
لوليتا والتذاكر:
مااعرفش ايه حكايتي مع التيكتس "التذاكر يعني" مره واحده غلطت وقلت لعمو كومسري الاوتوبيس التيكيت بكام -طبعاً مش هقولكم كان ريأكشنه ايه حفظاً لماء الوجه- ومن ساعتها اتعلمت اقول تذكره
المهم حضرتي بقى بتحب تحتفظ بالتيكتس دي اوى مش عارفه ليه اى تيكيت لاى مناسبه وفي اى وقت
الموقف العجيب اللى حصلي من كام يوم
كنت راجعه من الكورس وركبت الاوتوبيس وقطعت التيكت
كنت لابسه شنطتي السوده ورميت فيها التيكت كالعاده فى الجيب اللى بره
مره واحده جه واحد بيقولي التذكره طبعا استوعبت بعد فتره انه عمو المفتش
فتحت السوسته وببص وكانت الطامة الكبرى
لقيت حوالى كمشكاشر تيكيت فى الشنطه وهذا رقم يصعق زي صاعق الناموس بالظبط
قلتله عمو معلش هو الاوتوبيس تذكرته بكام
بصلي وحسيت انه قرفان وقالى 2 جنيه قعدت ادور ادور ادور لحد مالقيت تذكره ب 2 جنيه
اديتهالو قلتله هي دي قالى لا التانيه لونها اخضر
رحت مطلعاله 10 تذكرات خضر ولسه هقلب فيهم
رحت لقيته بيزعقلي خلااااااااااااااااااااااااااااااااااااااص مش عايز تذاكر انا
صحيح ناقصات عقل ودين
مش عارفه ايه العلاقه يعني
لوست ان يور ايز :
مانا لوست فى الايز بجد واللى كان كان
الميوزك الرائع اللى فى البلوج
مش هشيله واللى يتغاظ يتغاظ
اساسا انا بدخل البلوج علشانه
عالم غريبه اوى فعلا يعني
صحابي الحلوين ايه رأيكم فى الميوزيك
هنضم لحركة كفايه قريب :
ياما كنت اتمنى قابلك ببتسامة
او بنظرة حب او كلمة ملامه
بس انا نسيت الأبتسام
زي ما نسيت الألام
والزمن بينسي حزني وفرحي ياما
الليل
ودقت الساعات تصحي الليل
الليل
وحرقة الأهات في عز الليل
وقسوة التنهيد
والوحده والتسهيد
لسه ما همش بعيد
وعايزنا نرجع زي زمان
قول للزمان ارجع يا زمان
وهات لي قلب لا داب ولا حب
ولا انجرح ولا شاف حرمان
بيني وبينك وهجر وغدر وجرح بقلبي داريته
بيني وبينك ليل وفراق وطريق انته اللي بديته
بيني وبينك ليل وفراق وطريق انته اللي بيدته
وليس لديا اقوال اخري
كفاية بجد تعبت بقى
يعني ايه يافندم مش فاهمه:
يعني ايه واحد يكون بيحب واحده والواحده دي ليها صاحبه انتيم وعارفه كل مواضيعهم سوا
يجي يتهبل مره ويقول للصديقه دي انا بحبك انتي وعايز اسيب صاحبتك ومش عارفه
يعني ايه واحده تحب واحد حتى شاكه انه ممكن صاحبتها تكون بتحبه
وهذه كانت اخبار الأربع وعشرون ساعة
او ال15 يوم
شوية فضفضه لحسن كنت خلاص هفرقع بجد
وكنت هنزل بوست كئيب زياده عن اللزوم
قلت اهيس شوية وبعدين اكئبكم معايا
ماتنسوش الدعاء لي فى العشر الاواخر
كان معكم من امام الكي بورد
البونبوناية المسكرة
النجمة المأنتكة
الست لوليتا صاحبة البلوج
او ال15 يوم
شوية فضفضه لحسن كنت خلاص هفرقع بجد
وكنت هنزل بوست كئيب زياده عن اللزوم
قلت اهيس شوية وبعدين اكئبكم معايا
ماتنسوش الدعاء لي فى العشر الاواخر
كان معكم من امام الكي بورد
البونبوناية المسكرة
النجمة المأنتكة
الست لوليتا صاحبة البلوج
Subscribe to:
Post Comments (Atom)
Falling hearts Here
29 قالو اللى في نفسهم:
ما انتا يا قمر لو بتعرف تقرا زى ما بتعرف ترقص تانجو كده ...
كنت عرفت ان انا شايلاكى للتاج الجاى اليى هو هيطلع المستخبى ..
دا انا فضلت حوالى بتاع دققتين ابعته للبت البرتنسيسه ولا لا ابعته للبت راقصة الفلامنكو ولا اسيبها للتقيل ...
فهدانى تفكيرى اسيبك للتاج القوى يا قوى عايزه اجابات مكهربه وبعدين كلها مفيش وانزل التاج الجديد...
بعدين انتا فى قلبى يا قمر فمش محتاجه ااقول يا برنسيستى ..
وبعدين كده تيجيبلنا الكلام مكنش ناقصنا الا كده ..
ناقصات عقل ودين عارفه لو سمعت انك حطيتى تذاكر فى سوستة الشنطه السوده هيحصل حاجات تزعل ..
اكتر من اليى كان هيحصل فى الاتوبيس واكتر من اليى حصل لصوابعك فى المسجد..
واوعى اوعى تغيرى الموسيقى دى تحفه ده اجمل تشيلو او كمان سمعته فى حياتى اوعى تمدى ايدك عليه ..
اه كوبرى الجلاء كوبرى الجلاء عادى ولنا عوده لحل لغز لوليتاوكبرى الجلاء ...
يا عاشقة الاستقلال ا برنسيستى..
سلام يا حبيبتى وقمرى الصغنن البرئ..
هههههههه
عادي جداا
انا كمان لوايتي كانت مهيسه امبارح
وطه حسين كان عامل معايا شغل كبير
;)
ما شاء الله مدونة راااااااائعة و جميلة جدا
دى اول زيارة
و ان شاء الله تتكرر
و تحيااااااااااتى
رمضان
كريم
انا رديت الصبح و النت فصل على الرد بتاعى :(:(
انا ليا تعليقين نونو بس
( رمضان قبل الفطار )
بقى بذمتك لما بتروحى الكليه بيبقى تقى و ورع كفايه اووى انك تكونى معانا
( لوليتا بقى و التذاكر )
دى بقى بتحصل معايا كتييييييييير و شكلى بيبقى عسل اووى
حاجه بقى بره البوست -متزعليش منى يا قطتى -
محاسن صابر:
احم احم انا معايه ثانويه عامه بعرف اقرى هههههه
بس انا قولت الحمد لله طلعت طيبه ومش جابت سيرتي فى التاجات عندي اربعه بقى حرااااااام
بس طبعا طبعا مااقدرش ارفضلك طلب
طبعا هسيب الميوزيك طالما عاجبك
رغم حقد الحاقدين:P
وبعدين والله بنسى اشيل التذاكر من السوسته طب هعمل ايه انا بقى الحل الوحيد مااركبش اوتوبيسات صح صح !!
ماعندكيش عربية بالشيوفير بتاعها
صحيح صحيح
حلي لغز كوبري الجلاء والبتاع ابو رغاوي وانا اديكي حاجه حلوه ههههههه
حسن حنفي:
سيب اللولايه فى حالها واقعد ذاكر هههههه
اقولك بعد رمضان ان شاء الله هاجي اشرحلك رواية الأيام من منطلق بعيد عن المدرسة والعته ده
بس الدقيقه بتلاته جنيه :P
لؤلؤة الإسلام :
اتمنى ان المدونه تكون عجبتك وخلينا نشوفك كتير :)
perlina:
النت فصل علشان انا مش راضيه عنك <_<
بالنسبة للتذاكر ههههه
معلش يابنتي هم اللى مش مدركين اننا مش بنهتم بالسطحيات
اما رمضان قبل الفطار
فانا بتكلم على الايام اللى قاعده فيها فى بيتنا طبعا ههههه
هو انتو اللى يعرفكم اصلا يعرف يصوم :P
بس ماتنكريش امبارح بردو كنا هاديين على غير العادة
حاجه بقى بره البوست
انتي عارفه اني عمري ماازعل منك اصلا مهما حصل
انا بس برخم
لوليتا 2 :huh:
amr fekry:
سؤال بجد يعني يا عمرو
هو ليه انت كل ما تيجي هنا وده قلما يعني بلاقيك حاطط الايمو المنتح ده او تكون مذبهل ههههه
وبعدين مالها لوليتا يعني !!!
هاتى كيس بونبونى
:huh
اوريجينال هارت:
بس يا فضيحة انتي
ههههه
لا دى بتبقى صدفة :D
اما موضوع لوليتا
فده اى حد ف المانى يقولك عليه:D
يا عمرو لوليتا باليوناني - او بمعني ادق بالجريجي اللاتيني - يعني العطر الجميل :)
مالناش دعوه بالالماني ولا حاجه
أقدر أقولك زي ما قالت الأغنية المشهورة الشهيرة المعروفة :
وجناني ده عين العقل .. العقل ده داء بيعيي
وجناني ده شئ مش سهل .. تقدر تتجنن زيي ؟؟
وشكرا جزيلا أعاد الله عليكم الأيام بخير وأدامكم مهيسيين مجانين ..
على فكرة كلامك جميل أوى
بس ضحكت أوى على الراجل اللى قالك صحيح ناقصات عقل و دين
هههههههههههههههه
أنا تخيلت المنظر ضحكنى أوى
و للآسف المساجد لازم تنضف بقى عشان نحس بجاملها و روحنيتها
و أنتى بجد مدونتك جميلة اوى
تهيسات عاديه بتبقى جوانا بس احنا اللى فاهمنها
خلى بالك من دراستك يا قمر
تهيسات عاديه بتبقى جوانا بس احنا اللى فاهمنها
خلى بالك من دراستك يا قمر
ايميجرنت :
ربنا يشفيكي يا حبي هههههه
كل ده من اول لقاء في المكتب
امال السنتين الجايين هتعملي فيهم ايه
هههههههه
انا ودماغي :
ههههههه
اذا كنت انا نفسي قعدت اضحك على نفسي
بجد الموقف كان غريب اوى
ايه علاقة ده بده اصلا
:)
آبي الجميله :
نورتي البلوج :)
صح التهييسات دي احنا بس اللى فاهمنها
و حاضر بذاكر اهو :)
طب انا غلب الحمار بتاعى معايا
مينفعش تطلعى اجدع منى وتدينى الهديه من غير ما اجاوب
طب اعتبريها هديه للواد ابنى..
طب انا غلب الحمار بتاعى معايا
مينفعش تطلعى اجدع منى وتدينى الهديه من غير ما اجاوب
طب اعتبريها هديه للواد ابنى..
mahasen saber:
هههههههه
هو انتي لسه بتفكري يا حبيبتي
خلاص خلاص ليكي عندي هديه وخلاص
ولبيدو كمان هديه
بس هاتي العديه الاول :p
هههههههههههههههههههههه
والله انتى حكايه
ايه كل دا؟؟
بس كله كوم وحكايه التيكيت دى كوم تانى:))
دا تلاقيه افتكرها شتيمه:))
عموما كل سنه وانتى طيبه
كل سنه وانتى طيبه
عيد سعيد يارب
كل سنه وانتى بالف خير يا برنسيستى..
وعيد سعيد عليكى
وعلى اسرتك وعلى كل من تحبين..
بس قوليلى انتى مش المفروض دلوقتى تبقى فى المراجح ولاا انا بيتهيألى...
يا رب ايامك تبقا كلها اعياد يا قمر..
محاسن:
وانتي طيبه يا حبيبتي
وعندك حق انا قاعده على المرجيحه اهو بكلمك من فوووووووووووووووق هههههه
تيجي تاخدي لفه
Post a Comment