CLICK HERE FOR THOUSANDS OF FREE BLOGGER TEMPLATES »

بيتي الثاني .. برتاح هناك

Wednesday, March 4, 2009

مش انا طبعاً 

شوفتو انا جيت بسرعة ازاي 

اي خدمه 

بوستين ورا بعض اهو 

مين بقى اللى عمل اللى عليه 

هو او هي !!!

مش الغاز 

دول حلقتين للشيخ مصطفى حسني ضمن برنامج خدعوك فقالو

بيتكلم ببساطة عن ازاي كل راجل يخلي زوجته اسعد انسانه في الدنيا

وازاي كل زوجة تخلي زوجها اسعد انسان في الدنيا

افكار بسيطه اوي

طالعه من دينا

ومن فطرتنا

الحلقتين عجبوني اوي قولت اجيبهم لكم علشان لو حد ماشفهمش

وفي نفس الوقت عايزه اتكلم عن الموضوع ده 

الحلقه الاولى 

الحوار للرجال 

Mp3
http://rapidshare.com/files/200801728/Khadaouk09EP8.mp3

Video
http://rapidshare.com/files/20080172...aouk09EP8.rmvb

الحلقة التانيه 

الحوار للنساء 

Audio:

http://rapidshare.com/files/203338216/Ana_3amlt_elly_3alia_p2_ah.mp3

video:

http://rapidshare.com/files/203346685/Ana_3amlt_elly_3alia_p2_vh.rm

انا بقى عن نفسي شايفه ان الموضوع كله بيتوقف عند البنت الزوجه المفروض هي اللى تاخد على عاتقها حمل انها تلطف الجو

بجد شايفه ان المفروض هي اللى بأديها تسعد البيت كله او هي اللى تنكد على البيت كله 

وانا بسمع الحلقة بتاعت الزوجات 

قلت فعلا هو ده الصح

حتى لو الزوج ماعندهوش دم المفروض احنا - الجنس الناعم - اللى فى ايدينا كل حاجه

احنا اللى نقدر ننكد واحنا اللى نقدر نسعد

يمكن ناس كتير تيجي تضربني وتقولي انتي بتتكلمي بوجه نظر اللى مش عاش في الدنيا دي

وماتعرفيش ايه اللى بيحصل علشان تتكلمي

يمكن

بس الاكيد ان ربنا اللى خلقني وخلقكم لما يكون هو الأساس بعلاقتنا بالطرف التاني كل اللى انا بقوله ممكن يتحقق

لاني ببساطه كل اما اجي اتعامل مع الطرف ده هفتكر اني بعامل ربنا مش بعامله هو 

اما بقى اذا كان طرف من الاتنين بيراعي ربنا والتاني متمادي في الغباء 

يبقى بردو العيب مش في وجهة نظري

العيب انه في البداية ومن الأول مامشيوش على قواعد ربناه

ولا هو ظفر بذات الدين

ولا هي اختارت اللى يرضى ربنا عن دينه وخلقة

كان سوء اختيار من الأول

بس انا خلصت كلامي

وياريت اسمع تعليقاتكم على الحلقتين  

12 قالو اللى في نفسهم:

mohamed ghalia said...

والله يابرنسيس انتى معاكى حق
بس لازم الإتنين يشتركوا
البنت تكون هادية وتراعى بيتها وتراعى زوجها لما يكون مضغوط
وكمان هو لازم يراعيها
هى المسئولية مشتركة.
حقيقى سعيد جدااااا إنى اتعرفت على شخصية هايلة زيك وربنا يعلم مدى سعادتى
دمتى فى سعادة

Princesa ... WHiSPeR said...

mohamed ghalia
ربنا يخليك يا محمد ع الكلام الحلو ده
:)


وزي ما بتقول بالظبط
المسئولية مشتركة طبعا :)

حياة بلا روح said...

حاعمل داون لوود من لينكات الروابط
وأشوف الحلقات

عندك حق فعلا ..العيب انه في البداية ومن الأول مامشيوش على قواعد ربناه
..سوء اختيار من الأول

ويمكن احنا فينا عيب وهو اننا بنتجوز علشان نرضي المجتمع مش علشان نرضى نفسنا ونختار الإنسان الي حنكمل معاه حياتنا.. واحيانا الحب وسؤ التقدير يجعل الإنسان لا يحسن الإختيار لشريك حياته .. ونضطر الي تقبل عيوبه بناء على الرأي انه حيتغير بعد الزواج مع ان العكس صحيح ممكن العيوب تزداد ويظل الشريك الآخر يعاني ويقاسي من سؤ الإختيار..

أطيب وأرق تحية
دمتي بكل سعادة

mahasen saber said...

طب ممكن افهم الاول زعلانه منى ليه بس

هو انا بعرف ازعل حد ده انا نسمه صيفيه ههههههههههههههه

بس وحششششششششششششششششششششتينى قوى قوى يا برنسيستى

فين بيرو ادامز راح فين

mahasen saber said...

بعدين انتى مرقصتيش على السلم ولاا حاجه ولاا بترقصى الا فلامنكوا

انما طبيعة البشر الجموح والطوح وعدم التركيز الا من رحم ربى

بجد بجد وحشتينى وانا زعلانه منك انتى ولاا بتسالى ولاا كان كان بينا عشره ابدا

حسن حنفى said...

جزاكم الله خيرا

ياريت بقي مش تتشغلي تاني :p

للاسف مش شفتك في توقيع الكتاب :d

يلا تتعوض

حسن حنفى said...

جزاكم الله خيرا

ياريت بقي مش تتشغلي تاني :p

للاسف مش شفتك في توقيع الكتاب :d

يلا تتعوض

عمرو فكرى said...

gracias ^_^

Princesa ... WHiSPeR said...

حياة :
عايزه اعرف رأيك بعد الدونلود

وعندك حق في كل كلمة طبعا
اذا كنا في البدايه مش سمعنا كلام ربنا
اذا نجرئ ونطلب منه انه يخلينا عايشين في سعادة

Princesa ... WHiSPeR said...

mahasen:
بصى مهما حاولتي ومهما استرحمت دقات قلبك بردو زعلانه ومقموصه جدااااااا
هبقى طفله واتقمص بقى هه!

ولا اقولك انا قلبي طيب ومش هزعل منك
انا بس كنت زعلانه علشان ماشفتكيش في توقيع الكتاب
كان نفسي اشوووووووفك اوي خالص خالص خالص

انتي كمان وحشتيني خالص خالص

وبالنسبة للفلامنكو :
احم احم بلاش احراج ههههههه

ربنا يرحمنا جميعا

Princesa ... WHiSPeR said...

حسن .
انت كمان كنت هناك
لا بقى ده تهريج انا بطالب بأعادة الحفله دي ههههههههه
ماليش دعوه عايزه اشوف كل الناس اللى عرفت انهم كانو هناك دول

وع العموم حاضر هحاول مش انشغل تاني :)

Princesa ... WHiSPeR said...

عمرو فكري

no hay de que ^_^