Monday, March 2, 2009
ازيكم الاول
وحشتوني
بجيلكم كل سنه مره هههههه
بس معلش بجد كنت مشغوله شويه
قبل اما ابتدي عايزه كل حد فيكم يدعيلي اللى بعمله دلوقتي يخلص على خير ان شاء الله
واوعدكم لو حصل هعزمكم نفر نفر على لبن تشيكلس وبونبوني اكلير ابو 10 صاغ ده هههههههه
عايزه افضفض شوية علشان الموضوع ده عاملي نفسية وحشه كده جوه نفسيتي بقاله فتره
رغم ان عمري ما اهتميت بيه اصلا
بس لقيت الكلام فيه بقى بيتكرر ليل ونهار من كل اللى حواليا
الموضوع ببساطه بيتلخص في ان معظم البشر اللى حواليا بتقول عليا اني برقص ع السلالم
لا اللى فوق يشوفوني ولا اللى تحت يسمعوني
بمعنى تاني اكثر وضوحاً
الناس المتدينه جدا شايفه اني مش ملتزمه نهائياً وشايفين اني بعمل كل حاجه غلط
مش عارفه مين اللى بيصورلهم التصور المهبب ده
والناس المنحرفه اخلاقياً
او مش منحرفه
بس اللى مش ملتزمه شايفاني محبكاها اوي !!!
وللاسف دول ودول هم كل صحابي
او المفروض انهم صحابي
بس انا عايزه اعرف
مين اللى يدي الحق لبشر زيي زيه انه يحكم عليا انا ايه ولا بعمل ايه ولا ليه ؟!؟
مين اللى يديهم الحق انهم يفسرو تصرفاتي
مين اللى يديهم الحق انهم يحللو شخصيات اللى قدامهم بمنتهى الأنانيه شايفين نفسهم هم بس اللى صح؟!؟
يعني ايه لما اكون بخرج مع صحباتي وبنضحك من قلبنا وبسمع اغاني وبلبس هدوم ملونه الاصفر منها والاحمر
اكون منحرفه !!!!!!!!!
ويعني ايه لما اكون كل يوم الصبح وانا في طريقي للجامعه بسمع او بقرأ جزء من القرآن او مش بقعد مع زمايلنا الشباب في الكافيتريا او مش بسلم على راجل غريب ايد في ايد
اكون متشدده !!!!!!!!!!
مين دول ومين دول علشان يحكمو عليا
طبعا انا شايفه الناس اللى اقرب لربنا مني في مكانة اعلى مني
وبغبطهم عليها
وبتمنى من ربنا كل يوم في صلاتي اني ابقى قريبه منه
وكمان شايفه الناس اللى اقل مني في علاقتي بربنا اني سبقتهم بخطوه
وهم في يوم من الايام هيوصلولها
وبتمنى من قلبي وكمان بدعيلهم بكده
بس ليه ماحدش فيهم مستوعب حاجه زي دي
!!!!!!!
انا اللى غلط ؟
ولا كل الناس ؟
ولا ايه بالظبط
خلاص بقى انا رغيت كتير
بس وصلت الفكره اللى كنت عايزه اقولها
كان معكم الست لوليتا هانم القرفانه من قدام الكي بورد
تشاو يا خلق
قطعة سُكر: مقتطفات من مذكرات بنوته
16 قالو اللى في نفسهم:
كبرت الخط علشان كيكي مش تيجي تزعق :P
بصى هقلك على حاجة الوسطية دايما حلوة
وبعدين عندنا القرأن والسنة اعرضى كل اعمالك عليهم وشوفى انتى صح ولا متشددة قوى ولا متاسهلة قوى
صدقينى الموضوع بسيط
دمتى بكل الود
دعواتى ربنا يكرمك
أو تعليق وتواجد ليا في مدونتك الجميلة
الدين الإسلامي دين فطرة
وتسامح ووسطية بعد الرجوع لكتاب الله والسنة النبوية...
احنا حاليا بنعيش في عصر اللإزدواج الديني كل واحد او احدة عايز يفرض افكاره على غيره بالقوة حتى لو أفكاره متطرفة أو متحررةوغير صحيحة اهم شئ انه يسيطر بأفكارة فقط .. فدائما استفتي قلبك بعد الرجوع الى الله سبحانه وتعالى..
الله يوفقك
اطيب وارق تحية
mohamed ghalia :
كالعادة الكومنت بتاعك بينور المدونه :)
بالظبط زي ما بتقول
نفسي هي اللى تحدد اذا كنت انا صح ولا غلط مش اي حد تاني
بيني وبين ربنا
وطبعا ده اللى بعمله
بس هو الموضوع زاد عن حده شويه فقولت اتكلم وافضفض :)
حياة :
نورتي المدونه
واتمنى انك تكرري الزياره
ويارب تكون المدونه عجبتك
فعلا كل واحد عايز يثبت ان هو الحد الصح
ومش فاهمين انه ادع الي سبيل ربك بالحكمة والموعظه الحسنه :(
ربنا يهديهم ويهدينا
انتي استحاله ترضي كل الناس ولا تعجبي كل الناس
المهم في الاول والاخر ترضي ربنا وترضي روحك
هتلاقي ناس معاكي وناس مختلفه
كلنا كده مش انتي بس
حبيبى .. بص .. مفيش حد هيعجبه اى حاجه ..
و لو حولتى ترضى الناس كلها مش هتعرفى ..
اعملى اللى انتى عايزاه طالما مش ضد الدين و لا ضد تقاليد المجتمع اللى انتى عايشه فيه ..
بس كده :)
حبيبى .. بص .. مفيش حد هيعجبه اى حاجه ..
و لو حولتى ترضى الناس كلها مش هتعرفى ..
اعملى اللى انتى عايزاه طالما مش ضد الدين و لا ضد تقاليد المجتمع اللى انتى عايشه فيه ..
بس كده :)
عايز اعرف سبتينى أروح ليه بس
بجد افتقدكم جداااااااااااااااا
وسعيد إنى اتعرفت عليكى
دمتى فى سعادة
عاشقة وغلبانة:
:)
فعلا اهم حاجه اني اكون راضية ربنا
على اني مش في كل حال راضياه وساعات كتير بكون مأثرة بس واحده واحده
perla:
انتي عارفه اني مش بيهمني غيرك انت يا جميل
ربنا يخليكي ليا
mohamed ghalia
انا اللى بجد مبسوطه جدااااااااا اني اتعرفت عليك
انت شخصيه تحفه ربنا يحميك
وعايزه اشوفك كتير تاني ان شاء الله
بس انت اللى كنت مستعجل
تتعوض مره تانيه ان شاء الله
وفاتك نص عمرك بالبطاطس ام زيت عربيات دي ههههههه
بصي هيا مش فكرة انهم بيحكموا عليكي انا بتكلم عن المتدينين
اكتر من انهم بينصحوكي
و نفسهم انك تتحسني
و عايزينلك الخير
اما الطرف التاني فهما مش عايزين يكونوا هما بس اللي في الضياع مش اقصد ضياع قوي يعني
بس فيه ناس متحبش تشوف الناس التانية مبتعملش الغلط زيها
فبيقولولك انتي متشددة و متحبكيهاش
عشان تبقي زيهم
لو هما فعلا بيحبوكي هيحترموا فيكي دة و لو مش هيقدروا يساعدوكي تبقي احسن
علي الاقل ميثبطوكيش
اما بالنسبة للأسلوب بتاع الناس المتتدينة فممكن هوه اللي مش عاجبك
مينفعش حد يقولك انتي فاشل او في الضياع
مفروض ياخدوكي واحدة واحدة و يساعدوكي واحدة واحدة
اللي انتي فيه ناس كتيرة فيه
يا بتثبت على حالها و دة مش حلو
يا بتقل و دة برضو مش حلو
يا بتلاقي حد يساعدها حتى لو كانت نفسها و تاخد درجات اعلي
يعني بدل ما تقرا قران تحفظة بدل ما تلبس احمر و ضيق تلبس احمر وواسع و بعدين تحاول تتجنب الالوان المشعشعة و هلم جرجر
لحد ما تصل للأفضل
بس
سوري علي الرغي
سلام عليكِ
استحالة يا سكر ترضي كل الناس
واللي بيسمع لكلام الناس بيتعب اوي
اعملي اللي انتي مقتنعة بيه من جواكي وفي نفس الوقت يرضي ربنا
يمكن المتشددين دول قصدهم انهم ينصحوكي بس طريقة نصحهم ليكي غلط
وصحابك التانيين عايزينك تبقي زيهم وتعملي اللي هما بيعملوه بس لامهم بيقول انهم بيقولوا عليكي معقدة
سكر
كوني نفسك وبس
دمتي بكل ود
:)
نعكشة :
هو ده اللى انا بقوله على المتدينين
اسلوب الدعوه يا جماعه
وربنا يثبتنا كلنا ويقربنا منه :)
سفروته :
انا شفتك امبارح صح؟
انا فاكره الاسم
بس بما اني كنت نايمه فمش فاكره اي حاجه
كنتي واقفه مع ايمي واوريجينال صح؟
بالنسبة للكومنت
ده كان قصدي من البوست
انا نفسي وبس
ماحدش ليه دعوه
Post a Comment