Saturday, February 7, 2009
زعلانه منكم نفر نفر
اه بجد
طلعتم وحشين اوي
وهانت عليكم العشرة
وهان عليكم البونبوني اللى اديتهولكم
ماكانش عيش ولحمة وكحك
زعلانه اوي بجد بجد منكم كلكم
بس كعادة سيادتي ديما
وعادة قلبي اللى ابيض من الرز بلبن
قلت خليني انا الطيبه
ووقلت اجي اسلم
واقعد على قلبكم تاني زي الاول
عارفه انكم زعلانين مني علشان مش كنت بسأل على حد ولا بلوجر ولا ماسنجر
بس بردو مش مبرر يا اشرار علشان تقعدو تلت شهور ماتعبرونيش
مش تسألو يمكن اكون انتحرت على اثر الامتحانات اللى مالهاش وصف اللى كنا بنمتحنها دي
يلا ما علينا خليني انسى
انا جايه اسلم
واقول وحشتوني
وافتح صفحة جديده بعد حالة اللغبطه اللي كنت فيها دي
يوووووووووووووووووووه نسيت اقول
حاجات كتير ماتتحكيش هههههه
سلام يا شعب
كان معكم محدثتكم البونبوناية المسكرة
الست لوليتا المقموصه :p
تحديث :
من كام يوم قريت على الفيس بوك عند احمد الصباغ خبر وفاة الفارس الملثم :(
بجد كان الخبر زي القشة التي قسمت ظهر البعير
يمكن انا مش اعرفه شخصياً بس كتير كنت بتابع مدونته وبحس بكلام منها بيلمسني
فياريت كلنا مش ننساه لانه كان واحد من عائله بلوجر اللى اتشرفت اوي اني واحده منها
وياريت كلنا في كل صلاة ندعيله
ربنا يرحمه ويغفرله ويحسن ليه
قطعة سُكر: كلام
21 قالو اللى في نفسهم:
هو مين الى يزعل من التانى بس ههههههههههههه
انا كمان كنت مشغول فى الإمتحنات معلش بقى قلبك ابيض
على العموم حمدا لله على السلامة
ومستنيين مواضيعك الى زى السكر
دمتى بكل الود
انا اللى ازعل طبعا يا محمد مش كفايه انكم مش بتسألو عليا
وحشين انتم
الله يسلمك :)
وان شاء الله هعمل حاجات كتييييييييير زي السكر
انا جة...
انتى بتعقبينى بقى بالخط الصغير دة ولا اية؟؟؟؟
أحنا اشرار لا انتى ياشريرة..لية بتعبدى وترجعى وتبعدى وتمشى
ارسيلك على حل الله يكرمك ياشيخة
والله وحشتينى بجد..بس الواحد مش عارف ليكى سكة خالص...
المهم فين بقى البونبون بتاع المرةدى حلوة الرجوع...!!!
عوووو
كيكي المرعبه ههههه
ازيك يا جميله
انتي كمان وحشتيني خالص خالص
كنت بجيب في سيرتك انا واوريجينال هارت من فتره
خلاص انا قاعده معاكم اهو
والبونبوني موجود تعالى خدي نصيبك
حمدلله يا ستى على السلامة
و أعذرى كل اللى قصر فى حقك
أكيد كل واحد و عنده اللى خلاه ميبقاش عندك بإستمرار
فيه ؟أسباب كتير
بس أكيد مش منهم إنك مش على بالهم
تعرفى ساعات أبقى عاملة حسابى إن اول ما ادخل النت هعدى على فلان و علان و أسيب تعليقات فيها سلامات
و بعدين متفهميش إيه اللى بيحصل
و أعمل حاجات تانية و أتصور إن دخلت و سبت سلامى
و بيكون محصلش
و يوم ورا يوم
الشهر بيجر شهر
و الواحد مبيحسش بالوقت
فخلاص بقى قلبك أبيض
و يا ريت المرة دى متغيبيش تانى
و تحياتى يا برنسيس وسبر
ايه ده كله ايه ده كله
فاتيما بحالها هنا
احلى طبق بونبوني هيجي حالا
انا مش زعلانه يا فتيما علشان انا اللى كنت مقصره معاكم اصلا
بس حبيت انكشكم بس هههههههه
ماهو لازم اكون لمضه والا مش ابقى برينسيس ويسبر
وعلشان خاطر الكومنت الجميل اوي ده خلاص مش زعلانه من حد عفونا عنهم علشان خاطرك انتي بس
ومش هغيب تاني حاضر انا بسمع الكلام
كلنا كنا مشغولين فى اللى ما تتسمى الإمتحانات
ويلكم باك للمدونة و نوريتى البلوجر و النت كله
و الله يرحم محمد و يصبر أهله يا رب
وعملتي ايه فى اللى ماتتسمي الامتحانات يا جميله
بس بردو مش مبرر :P
الله يرحمه :(
لسه داخل النهارده اهو
تعرفي مش صدقت نفسي اما لقيتك نزلتي موضوع قلت يمكن تهيؤات
بقي انتي اللي زعلانه ده انتي مش دخلتي بقالك زماااااااااااان ومش سألتي
:-w
المهم عملتي ايه في الامتحانات واخبارك ايه في انتظار البوست القادم بقي باذن الله
سلااااااااااام
لا معلش خدى جنب كده عشان انا اتهريت من السؤال عليكى
وانتى ولاا فكرتى تطمنينى عليكى
انا ميهنش عليا حبايب براين ادامز ابدا
ولاا العشره يا لولا يا وحشه وحشه وحشه
بس وحششششششششششششششششششانى موت
ونورتى البلوجر وابقى غيبى كده تانى
انا زعلانه فعلاا جدا
من انك مش رديتى عليا ولاا طمنتينى عليكى
ده للعلم بئه
صالحينى فورا
حمدالله على سلامتك يا قمر
حمد الله علي السلامه ياقمر
حمد لله علي السلامه
نورتي البلوج
حسن حنفي:
حسسسسسسسسن
ازيك اخبارك ايه
لا يابني مش تهيؤات تعطفت عليكم وقولت اجي انوركم ههههههههه
والله مش تزعل مش بفتح الماسنجر خالص خالص خالص
ع العموم انا تمام خالص الحمد لله
وماحدش يجيبلي سيرة الامتحانات دي تاني
المهم انت اخبار الثانويه العاميه ايه معاك ؟؟
محاسن :
حبيبة هارتي يا محاسن
صحيح ان انتي اكتر واحده زعلانه منها علشان ماكانتش بتسأل
بس مسامحاكي علشان انتي وبيدو في الحته الشمال ههههههه
وعارفه ان انا كمان كنت مقصرة معاكي
بس معلش بقى انتي الكبيره خليها عليكي
وانا هصالحك حاضر احلي بونبونايه هتجيلك على طووووووووول
blue wave
الله يسلمك يا احلى دكتور عمرو فارووق في الكره الارضيه
كيارا :
الله يسلمك يا جميله :)
مصطفى احمد :
الله يسلمك
بلوجر منور بيكم كلكم :)
لسه عامله زي ماهي
وطبعا اتنتي بتنزلي موضوع كل ميت شهر كده الموضوع ده من زمان نزلي جديد بقي
خلاص مش تزق نزلت البوست اهو
Post a Comment